DOKUMENT | Pas tre muajsh punë si asistent, Ilir Selmani caktohet menjëherë atashe në Strasburg

Vetëm tre muaj punë si asistent në Ministrinë e Punëve të Jashtme dhe Diasporës, përkatësisht në Konsullatën e Republikës së Kosovës në Shtutgart, i janë dashur Ilir Selmanit që të avancohet në atashe.

Në vendimin që ka siguruar Demokracia.com thuhet se Iir Selmani, për nevoja të shërbimit caktohet të shërbejë në Konsullatën e Përgjithshme të Republikës së Kosovës në Strasburg/Republika e Francës, për një periudhë prej gjashtë (6) muaj.

“z. Selmani, fillon realizimin e detyrave dhe obligimeve të tij në Konsullatën e Përgjithshme të Republikës së Kosovës në Strasburg/Republika e Francës, nga data 12.02.2024 deri më datën 31.07.2024. z. Selmani i caktohet në shërbim grada diplomatike Atashe. Caktimi në këte detyrë specifike, nuk nënkupton se të njëjtit i ipet grada diplomatike sipas kësaj pike.”, thuhet në vendimin e siguruar nga Demokracia.com.

Pa përvojë dhe pa asnjë gradë, Gërvalla e kishte rehatuar në diplomaci edhe ish-këshilltaren e Ministrit të Bujqësisë, bashkëkryetarit të Guxo, Faton Pecit, Saranda Stubllën.

Demokracia.com ditë më parë ka publikuar edhe vendimin për dërgimin e saj në Poloni.

“znj. Saranda Stublla, për nevoja të shërbimit, caktohet të shërbejë në Konsullatën e Përgjithshme të Republikës së Kosovës në Varshavë/ Poloni për një periudhë për 6 muaj”, thuhet në vendim.

Edhe asaj i është caktuar grada diplomatike, atashe. /Demokracia.com/