Pas presionit Kurti pranon ta zbatojë vendimin për Manastirin e Deçanit, dikur pyeste “si duket presioni ndërkombëtar?”

Kryeministri Albin Kurti që zotohej se kurrë nuk do të bënte pazare, sot e bëri publik pazarin e tij.

Qeveria e Kosovës e ka urdhëruar Agjencinë Kadastrale për kalimin e 24 hektarëve tek Manastiri dhe gjithashtu në këtë Notë Verbale konfirmohet se Agjencia Kadastrale e ka implementuar vendimin e Gjykatës Kushtetuese, duke i regjistruar hektarët në pronësi të Manastirit të Deçanit.

Kurti që për shumë vite e kishte kundërshtuar vendimin për Manastirin e Deçanit, për të cilin shprehej se është vendim i Kasapit të Ballkanit, Sllobodan Millosheviq, pranoi nën presionin ndërkombëtar që ta zbatojë këtë vendim.

Përfundimisht, Albin Kurti e mësoi edhe çka do të thotë presioni për të cilin shfaqej kurreshtar, shkruan Demokracia.com.

Në vitin 2020, Albin Kurti kishte folur rreth presionit të ndërkombëtarëve, ku thoshte se “nuk ka trysni mbi mua, nuk ka presion mbi mua, unë edhe më tutje jam kureshtar si duket trysnia ndërkombëtare”.

“Nuk ka trysni mbi mua. Nuk ka presion mbi mua. Ata që kanë përjetuar trysni duhet ta tregojnë sesi duket ajo trysni, por edhe më tutje jam kurreshtar të kuptojë sesi duket ajo trysni. Po ka mundësi që kur nuk je i korruptuar e nuk mund të të shantazhojnë, nuk e përjeton as trysninë”, thoshte Kurti në vitin 2020.

Ai madje thoshte se “Nuk ka fuqi që më shantazhon mua. Nuk kam ardh me pazare politike. Kam ardh me voten e popullit”.