16-vjetori i anëtarësimit të Shqipërisë në NATO, për shkak edhe të ndryshimeve gjeopolitike me luftën që i kanoset Evropës dhe botës nga Rusia, ushtrinë shqiptare e gjen më të përgatitur. Përballë këtyre sfidave, kryeministri Rama foli jo vetëm për fuqizimin e ushtrisë shqiptare, por për shndërrimin e vendit në një fuqi prodhuese dhe eksportuese të municioneve luftarake.
“Është vërtetë e dhimbshme që në aspektin e ushtrisë tonë në komunitetin euroatlantik, të gjithë bënë përpjekjet e tyre, në aspektin e përkujdesjes dhe mbështetjes së ushtrisë sonë, Shqipërisë i ndodhi çfarë s’i ka ndodhur asnjë vendi tjetër. Një rënie në humnerë dhe pastaj braktisje shumë e gjatë. Ky është i vetmi aset i trashëguar nga e shkuara, aseti i drejtuesve të shkuar të Forcave të Armatosura, duke i mbijetuar me vështirësi një sfide të paparë, si rezultat i shembjes së shtetit dhe pastaj i kthimit të kurrizit nga ana e shtetit ndaj Forcave të Armatosura. Kemi dhjetëfishuar investimet dhe financimet në ushtri”, tha kryeministri.
Qeveria tha se është e hapur për bashkëpunime, ndërsa thirrjen ia drejtoi kryesisht kompanive të huaja.
“Ftojmë edhe partnerët dhe kompanitë e huaja për bashkëpunim me industrinë tonë KAYO dhe ne do jemi vend eksportues i industrisë ushtarake në të ardhshmen dhe po shohim pikat e bashkëpunimit me industritë dhe vendet e tjera për ta arritur këtë. Do kenë paga dinjitoze dhe sipas kërkesave të tyre”, tha Rama.
Rritja e kapaciteteve dhe rijetëzimi i industrisë ushtarake, kryeministri tha se do të ecë paralelisht edhe me rritjen e pagave për Forcat e Armatosura.
“Është rritur me pesëfish numri i rekrutimeve. Nga ushtria më e keqpaguar është kthyer në ushtria më e mirëpaguar në rajon dhe gati me standardet e NATO-s. Kemi rritur rrogat deri në 1550 euro dhe kemi bërë atë që kemi premtuar. Pra kemi objektiv mesataren e pagës mesatare të ushtrisë së vendeve të përparuara të NATO-s jemi afër asaj dhe po vijojmë punën për të arritur atje”, vijoi Rama.
Kreu i qeverisë, teksa përmendi vështirësitë ndër vite, pas rrënimit të ushtrisë, vuri në dukje se aktualisht kemi ushtrinë më të mirëpaguar të rajonit.
“Kemi bërë ndryshime të mëdha. Është rritur me pesëfish numri i rekrutimeve. Nga ushtria më e keqpaguar është kthyer në ushtria më e mirëpaguar në rajon dhe gati me standardet e NATO-s. Kemi rritur rrogat deri në 1550 euro dhe kemi bërë atë që kemi premtuar. Pra kemi objektiv mesataren e pagës mesatare të ushtrisë së vendeve të përparuara të NATO-s jemi afër asaj dhe po vijojmë punën për të arritur atje”, tha Rama mes të tjerash.
Kryeministri theksoi më tej edhe mbështetjen e dhënë efektivëve të ushtrisë me programin e 179 kredive të buta për familjet e tyre dhe të tjerat në proces, dyfishimin e numrit të vajzave të rekrutuara apo studente në ushtri dhe pesëfishimin e studentëve të akademisë në një dekadë.
Ai iu rikthye edhe projektit madhor të Qeverisë për kthimin e Mbrojtjes shqiptare në eksportuese me industrinë ushtarake, nëpërmjet prodhimit me kompaninë e re shtetërore KAYO. Teksa kujtoi se e morën Ushtrinë nga humnera ku kishte rënë, edhe pronat e saj u zhytën në kaos dhe shumë të tjera nuk vihen në punë apo investohen.
Ministri Vengu dhe drejtori i Mbrojtjes Civile Çako prezantojnë shifrat e Ushtrisë
Fjalën e hapjes në këtë takim e mbajti drejtori i Agjencisë Kombëtare për Mbrojtjen Civile, Haki Çako, i cili bëri një rezyme të punëve të bëra deri tani nga struktura që drejton dhe me objektiv arritjen e synimeve dhe ndihmën që Shqipëria të avancojë në rrugën drejt integrimit në BE.
Çako tha se Mbrojtja Civile dhe Emergjencat janë përfshirë në dhjetëra operacione shpëtimi brenda vendit, por edhe në disa të tjera jashtë Shqipërisë, ku ndihmuan partnerët e tyre, si në Greqi apo Turqi.
Ndërsa ministri i Mbrojtjes, Pirro Vengu nënvizoi punën e bërë këto vite dhe situatën ku e gjen 16-vjetori i anëtarësimit të vendit në NATO.
“Një ngritje e trefishtë në raport me strukturat e NATO-s, angazhim ushtarak me vepra dhe jo me fjalë, ku 500 ushtarakë shqiptarë do gjenden në misione jashtë vendit, por edhe nivelin e përgatitjes me demonstrimin që u tregua edhe sot”, tha Vengu mes të tjerave.
Më tej ai shtoi se për herë të parë “Mbrojtja dhe Siguria nuk kanë më problematika financiare”.
“Parimi kryesor mbetet industria ushtarake e brendshme, teksa ka vëmendje çdo ditë nga Qeveria dhe kryeministri ndaj Forcave të Armatosura”, vijoi ministri.
Rama: Ushtria u zhvesh nga pronat në mënyrë kaotike, të tjerat nuk vihen në punë! Të mos jepen për hiçasgjë, por të investohet si në vendet e NATO-s
Kreu i qeverisë trajtoi në fund të fjalës së tij edhe çështjen e pronave të ushtrisë, për të cilat theksoi se ende janë kaotike dhe duhen vënë në funksion të investimit dhe zhvillimit për qëllime të ngjashme siç veprojnë edhe vendet e përparuara të NATO-s, duke ndjekur modelin e tyre.
Edi Rama tha se ushtria shqiptare u zhvesh nga pronat, të cilat ia morën ndër vite, kurse ato që janë nuk shfrytëzohen në pjesën më të madhe.
“Edhe në aspektin e pronave të ushtrisë u bë një hap i rëndësishëm, sepse për një kohë të gjatë ushtria shqiptare u zhvesh nga pronat, në mënyrë spontane, të pakuptueshme, kaotike dhe nga ana tjetër ka shumë prona që janë atje dhe nuk vihen në punë, nuk investohen. Ministria e Mbrojtjes duhet të bëhet qendër edhe e këtij aspekti, e zhvillimit të pronave që nuk përdoren vetëm për qëllime ushtarake, por janë të Mbrojtjes.
Të bëjmë siç veprojnë shtetet e tjera të NATO-s, e jo duke i dhënë për hiçasgjë, por të zhvillohen dhe nëpërmjet tyre të marrim të ardhura, pasi i shërbejnë edhe buxhetit. Ky sektor ka potencial për të bërë më shumë për ushtrinë, për mënyrën se si i administrojmë taksat e shqiptarëve, për të krijuar një bazë prodhuese, administruese dhe që të jetë pikë referimi kombëtar dhe aset”, tha kreu i qeverisë, teksa e mbylli fjalën edhe me një batutë me ushtarakët që kishin dalë në fundjavë për këtë takim dhe faktin se politikanët “vetëm kur hapin frigoriferin nuk u dalin përpara”, siç dalin në media çdo ditë e orë.
Rama: Do krijojmë industrinë tonë ushtarake dhe do eksportojmë! Bazat u shkatërruan, i nxorëm nga humnera! Emërimet s’i kemi bërë për makinë dhe celular
Ringritja e industrisë ushtarake prodhuese ‘Made in Albania” ishte një nga tematikat e trajtuara në fjalën e kryeministrit Edi Rama, i cili vuri në dukje se së shpejti Shqipëria do të jetë një vend eksportues dhe bazë prodhimi, kjo edhe fal strukturës së re të ngritur të kompanisë KAYO.
Kjo do arrihej edhe në bashkëpunim me kompani ndërkombëtare të industrisë ushtarake dhe vende partnere të NATO-s që do afroheshin në këtë projekt.
“Krijimi i industrisë tonë kombëtare të mbrojtjes është prioritet. E dimë se si u shkatërrua baza materiale e forcave të armatosura. E dimë shumë mirë se si dolëm nga humnera ku ranë forcat e armatosura. I kemi kushtet dhe mundësitë të ndërtojmë një industri që të na japë jo vetëm mbrapsht një aset të munguar të Shqipërisë, asetin e industrisë ushtarake, por edhe një kapacitet të ri, për të rritur nivelin e Forcave të Armatosura dhe rritur efikasitetin e tyre. Ndaj kemi edhe një ekip për këtë, jo vetëm ministri, por edhe zëvendësministrja”, theksoi kreu i qeverisë para ushtarakëve të pranishëm, të cilëve u kërkoi ndjesë edhe që i nxori ditë të shtune për të dëgjuar fjalimin e tij.
Rama nuk e mungoi batutën e radhës para tyre, duke kujtuar emërimet e bëra në sektorët e Mbrojtjes me një strategji të mirëmenduar.
“Nuk kemi bërë emërime me hajt ku ta çojmë dhe ta çojmë te Mbrojtja. T’i japim një makinë dhe një celular dhe kaq, siç edhe thuhet nga ata që nuk e dinë si funksionojnë gjërat”, tha ai.
Në fund apeloi për kompani dhe vende partnere që duan t’i bashkohen apo të bashkëpunojnë me industrinë ushtarake shqiptare, teksa nënvizoi se do jemi eksportues në botë të armatimeve.
“Ftojmë edhe partnerët dhe kompanitë e huaja për bashkëpunim me industrinë tonë KAYO dhe ne do jemi vend eksportues i industrisë ushtarake në të ardhshmen dhe po shohim pikat e bashkëpunimit me industritë dhe vendet e tjera për ta arritur këtë. Do kenë paga dinjitoze dhe sipas kërkesave të tyre”, u shpreh kryeministri.
Rama: 179 kredi të buta për familjet e efektivëve, u dyfishua numri i vajzave në FA! Batuta me ushtarakët: Beqarët të martohen që ta përfitojnë, përveç shërbimit në front
Kryeministri Edi Rama renditi disa nga mbështetjet që Qeveria i ka dhënë Ministrisë së Mbrojtjes dhe Forcave të Armatosura.
Mes tyre edhe përfshirja e familjeve të ushtarakëve kryesisht në programin e kredive të buta për shtëpi.
Madje ai bëri edhe batuta me efektivët beqarë, duke u kujtuar se përveç shërbimit në front, duhet të martoheshin, mundësisht me ushtarakë, që të bëheshin pjesë e programit në të ardhmen, pasi do të shtohej numri i kredive.
“Kemi dhënë mbështetje dhe do vijojmë të japim për efektivët e ushtrisë dhe familjet e tyre. 179 efektivë që kanë përfituar kredi me zero interes për shtëpi dhe ky program do zgjerohet dhe do jenë të mirëseardhur të gjithë në këtë program, kryesisht për të martuarit, se duhet të jenë të martuar, pasi beqarët janë për front dhe patjetër që do jeni të mirëpritur kur të martoheni”, tha kryeministri mes të tjerash.
Gjithashtu ai kujtoi se edhe numri i rekrutimeve dhe studentëve në ushtri është shumëfishuar gjatë këtyre dhjetë viteve.
“Do fuqizojmë teknologjinë kibernetike, mbrojtjen civile, repartet e shërbimit dhe mirëmbajtjes së helikopterëve, korpusin. U rrit numri i vajzave që është dyfishuar nga 10 në mbi 20%. Është krenari për ne. Por edhe niveli i shërbimeve dhe numri i lartë i tyre, që kanë ndikuar edhe në jetën e civilëve. Po kështu numri i studentëve në akademi u pesëfishua”, shtoi kreu i qeverisë.
