Rinisin qarkullimin autobusët e “Trafikut urban”

Pas nëntë ditësh grevë dhe protesta përpara Komunës së Prishtinës dhe qeverisë, autobusët e “Trafikut urban” janë vënë në shërbim të qytetarëve.

Në një komunikim zyrtar të bërë dje, “Trafiku urban” njoftoi se janë paguar faturat nga ana e komunës, pas alokimit të mjeteve financiare, shkruan IndeksOnline.

“Gjatë ditëve të fundit, ndërprerja e transportit ka qenë e pashmangshme për shkak të pamundësisë financiare të krijuar nga mospagesa e detyrimeve të komunës ndaj ndërmarrjes.

Shprehim keqardhje të sinqertë për vështirësitë me të cilat qytetarët janë detyruar të përballeshin gjatë këtyre ditëve pa shërbimin e transportit publik dhe i falënderojmë për mirëkuptimin e treguar”, deklaroi dje kjo ndërmarrje.