Opozita kaos në Kuvend, zaptojnë karriget e kabinetit! Berisha live u jep urdhra “të vetëve”: Ngjituni lart

 

Kryetari i Partisë Demokratike Sali Berisha është futur live në facebook nga Kuvendi ku deptuetët po pengojnë fillimin e seancës plenare duke zaptuar karriget e ministrave të qeverisë Rama.

 

Gjatë kohës që Berisha është live, dëgjohet të japë urdha duk u thënë deputetëve që të shkojnë lart tek karriget e ministrave. Ndër të tjera, ai u thotë gardistëve se do të përballen me pasoja të rënda nëse prekin me dorë deputetët.

“(Berisha dëgjohet t’i japë “të vetëve” urdha për të shkuar lart, tek pjsa ku qëndron kabienti i ministrave “Shkoni lart”). Prekja e deputetëve akt kriminal i pashembullt. Jeni ju që mbroni hajdutët. Mos prekni deputetë me dorë. Do të përballeni me pasoja të rënda. Dorëzoni Agasin”, tha ndër të tjera Berisha.

 Opozita përplasje me gardën, Bardhi: Mos i prekni deputetët me dorë, Suel Çela nuk jep urdhra këtu
Deputetët e opozitës po përplasen me gardistët, ndërsa kanë zënë vendet e kabinetit. Gazment Bardhi u tha gardistëve të mos i prekin deputetët me dorë, duke akuzuar se Suel Çela nuk jep urdhra në Kuvend.
 
 Kaos në Kuvend, Klevis Balliu hipën mbi tavolinë për të kaluar tek vendi i ministrave! Gardisti e tërheq zvarrë
 
Deptuetët demokratë po pengojnë nisjen e seancës plenare teksa janë ulur në karriget e ministrave të qeverisë. Salla është kthyer në kaos ndërsa një moment deputeti Klevis Balliu është filmuar duke tentuat të hipë mbi tavolinë për të kaluar në vendin e ministrave, por një prej gardistëve e tërheq duke mos e lënë të kalojë.
 
Tensione në Kuvend, opozita pengon nisjen e seancës! Ulen në vendet e kabientit të qeverisë
 
Pak minuta përpara nisjes së seancës plenare, deputetët e opozitës kanë shkaktuar kaos në sallën e Kuvendit. Demokratët shihen të jenë ulur në karriget e ministrave të qeverisë ndërsa Garda ndodhet në sallë me qëllim për të qetësuar situatën dhe për të rikthyer normalitetin.
 
 
 

Endri Shabani mbërrin në Kuvend, sot pritet betimi i tij si Avokat Populli (VIDEO)

 
Teksa na ndajnë edhe një orë nga fillimi i seancës, Endrit Shabani ka mbërritur në Kuvend. Sot pritet betimi i tij si Avokat Populli.

 

Shabani do të zëvendësojë Erinda Ballancën, e cila 3 vitet e fundit ishte me mandat të mbaruar. Ai u zgjodh si Avokat Populli pas një seance maratonë (11 dhjetor) me 85 vota pro, të ardhura nga socialistët dhe socialdemokratët.