Protesta në ditën e nëntë/ 2 orë e gjysmë pa asnjë akt dhune te Ministria e Arsimit, një grup protestuesish në bulevard.

Pas një ore e gjysmë qëndrimi para Ministrisë së Arsimit, protestuesit marshuan drejt Kryeministrisë, ku ndodhen që prej orës 14:30.

Ndryshe nga 8 ditët e mëparshme, kur tubimet u shoqëruan me sulme me gurë, molotovë e fishekzjarrë ndaj policisë dhe godinës së Ministrisë së Arsimit, deri më tani nuk është regjistruar asnjë akt dhune.

Në bulevard, nuk ka prani të protestuesve të maskuar me të zeza që zakonisht paralajmëron incidentet.