10
Debati i ditëve të fundit për aksionin e ndërmarrë nga qeveria për lirimin e hapësirave publike, po ashtu edhe ai për shembjen e ndërtimeve pa leje në zonën e Thethit, ka bërë që kryeministri Edi Rama të rikthejë rubrikën e tij ‘Sy m’Sy’ për t’u përgjigjur të gjitha pyetjeve të qytetarëve.
Në një postim në profilin e tij në “Facebook”, Rama njoftoi se komunikimi i radhës do të zhvillohet nesër në orën 08:30, live në rrjetet e tij sociale.
‘Ca thonë pse tani e jo më parë? Ca pse tani e jo më vonë? Kurse unë them pse jo nesër një ‘Sy m sy’. Nesër pra, që në mëngjes, Live padyshim, këtu ku tjetër?’, shkruan ai.
‘Sy m’ Sy’ është rubrika ku kryeministri Edi Rama i përgjigjet pyetjet të qytetarëve mbi çështje apo problematika të ndryshme.
