Policia e Mirditës ka arrestuar burrin e kandidates për deputete të PD, Elda Hoti. Në vitin 2016, Ladi Ndoja u arrestua në flagrancë në Venecia të Italisë, pasi e kishte kthyer shtëpinë në bazë droge. Policia i gjeti në banesë 50 kg marijuanë dhe 24 karta identiteti të vjedhura
Burri trafikant i deputetes së PD, Elda Hoti është vënë në pranga për krim zgjedhor. Ladi Ndoja 45 vjeç është arrestuar bashkë me një mbështetës demokrat, Amarildo Jushi 25 vjeç, duke bërë vetëgjyqësi. Ata kanë qenë duke udhëtuar me dy automjete, kur kanë ndaluar një mjet me të cilin po lëvizte Drejtorit të Arsimit në Mirditë Renuar Kola.
Ngjarja ka ndodhur në orën 20:20 të mbrëmjes së 10 majit në Rrëshen dhe burri i kandidates së Berishës bashkë me mbështetësin e tij, kanë ndaluar mjetin e zyrtar duke pretenduar se po blen vota për Partinë Socialiste.
Policia e Rrëshenit thotë se ka mbërritur në vendin e ngjarjes pas njoftimit se është bllokuar rruga në lagjen “Donaj” në Rrëshen. Blutë kanë udhtruar kontroll në makinën e zyrtarit dhe thonë se nuk u gjet u gjet asnjë send i kundërligjshëm. Çudia është në fakt, që ndërsa eksponentë e PD ndalojnë zyrtarin me pretendimin se po blinte vota, policia thotë se atij nuk i është gjetur asnjë send i kundërligjshëm, por burrit të deputetes dhe mbështetësit tjetër të PD i janë gjetur lista me të dhëna personash zgjedhësish, të cilat janë sekuestruar në cilësinë e provës materiale.
Ndaj, bashkëshortit të Hotit rëndojnë akuzat “Pengimi i qarkullimit të mjeteve të transportit”, “Drejtimi i automjeteve në mënyrë të parregullt”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”. Ndërkohë, ndaj Jushit rëndojnë veprat penale “Pengim i qarkullimit të mjeteve të transportit”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”.
Policia thotë se Amarildo Jushi ishte në gjendje të dehur, ndërsa dy drejtuesit e automjeteve të tjera rezultuan se nuk kishin konsumuar alkool
“Specialistët për Hetimin e Krimit në Komisariatin e Policisë Mirditë kanë bërë arrestimin në flagrancë të shtetasve: -L. N., 45 vjeç, banues në Mirditë për veprat penale “Pengimi i qarkullimit të mjeteve të transportit”, “Drejtimi i automjeteve në mënyrë të parregullt”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”
-A. J., 25 vjeç, banues në Mirditë, për veprat penale “Pengim i qarkullimit të mjeteve të transportit”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”.
Arrestimi i tyre u bë pasi më datë 10.05.2025, rreth orës 20:20, këta shtetas me dy automjetet e tyre i kanë bllokuar rrugën automjetit që drejtohej nga shtetasi R. K., 46 vjeç (drejtues automjeti) dhe A. D. (pasagjer), të dy banues në Rrëshen, me pretendimin se këta shtetas po kryenin veprimtarinë e blerjes së votave. Shërbimet e Policisë, menjeherë pas marrjes së njoftimit për bllokimin e rrugës në lagjen “Donaj” në Rrëshen dhe konfliktin verbal mes këtyre shtetasve, kanë ndërhyrë, duke shoqëruar palët në Komisariat dhe kanë kryer veprimet hetimore nën drejtimin e Prokurorisë.
Në vijim të veprimeve të kryera, pas kontrollit të ushtruar në automjetet e tyre, konkretisht në automjetet e shtetasve L. N. dhe A. J., shërbimet e Policisë gjetën dhe sekuestruan në cilësinë e provës materiale lista me të dhëna personash (të dyshuara si lista zgjedhësish), ndërsa në automjetin e shtetasit R. K. nuk u gjet asnjë send i kundërligjshëm. Gjithashtu, po në vijim të veprimeve pas kryerjes së testit të alkoolit të tre drejtuesve të automjeteve rezultoi se shtetasi L.N., drejtonte automjetin në gjendje të dehur, ndrësa dy drejtuesit e automjeteve të tjera rezultuan se nuk kishin konsumuar alkool”, njofton policia.
Në vitin 2016, Ladi Ndoja u arrestua në flagrancë në Venecia të Italisë, pasi e kishte kthyer shtëpinë në bazë droge. Policia i gjeti në banesë 50 kg marijuanë dhe 24 karta identiteti të vjedhura. Zonja Hoti ka bërë më pas një ndarje të dyshuar fiktive nga Ladi Ndoja, ndoshta me qëllim që kjo ‘njollë’ të mos prekë karrierën e saj politike.
Iu arrestua bashkëshorti për krime zgjedhore, reagon Elda Hoti: Policia e Shtetit po përdoret nga Ulsi Manja, ditët e shtypjes së zërit opozitar drejt fundit
Kandidatja e PD, Elda Hoti ka reaguar pasi iu arrestua bashkëshorti për krime zgjedhore. Në një postim në Facebook, Hoti shkruan se “Ulsi Manja dhe çdo vegël politike që përdor Policinë e Shtetit për interesa të pushtetit do të mbajnë përgjegjësi për çdo veprim të paligjshëm”.
“Asnjë polici politike, asnjë strukturë kriminale dhe asnjë zëdhënës i krimit të organizuar nuk do të mund ta ndalë vullnetin e qytetarëve për ndryshim. Ditët e frikësimit, fabrikimeve dhe shtypjes së zërit opozitar janë drejt fundit. Ulsi Manja dhe çdo vegël politike që përdor Policinë e Shtetit për interesa të pushtetit do të mbajnë përgjegjësi për çdo veprim të paligjshëm, për çdo tentativë për të frikësuar qytetarët që duan një të ardhme më të mirë.
Këto manovra janë të dështuara sepse fuqia e popullit nuk ndalet nga asnjë makineri represive.
Ata që blenë vota dhe shantazhuan, votuesit janë të lirë dhe po rendin nga qendra në qendër votimi, Aleksander Dodaj, Renuar Kolaj dhe të gjithë kriminelët elektoral, i keni bërë llogaritë gabim. Njëshat nuk ka regjim që i ndal. Qytetarë, mos harroni gjithçka ju kanë bërë këto 12 vite”, thuhet në reagim.
PAMJET/ U arrestua se ndaloi zyrtarin me pretendimin se po blinte vota, por burrit të Hotit iu gjet në makinë lista me emra zgjedhësish! Ishte dhe i dehur
Bashkëshorti i kandidates së PD, Elda Hoti, Ladi Ndoja është arrestuar pasi u kap duke bërë vetëgjyqësi në Rrëshen. Ai ndaloi makinën e drejtorit të Arsimit në Mirditë Renuar Kola, me pretendimin se po blinte vota.
Por në fakt, policia zyrtarit nuk ia k gjetur asnjë send të jashtëligjshëm, ndërkohë që në makinën e Ndojës dhe mbështetësit të PD janë gjetur lista me emra zgjedhësish. Kjo shihet qartë edhe në këtë video që ka publikuar Policia, ndërsa Ndoja ka qenë edhe i dehur në timon.
U arrestua duke bërë vetëgjyqësi, kush është burri trafikant i deputetes Elda Hoti! U kap me bazë droge në 2016 në Itali
Ladi Ndoja nga Rrësheni, bashkëshorti i kandidates së PD në Lezhë Elda Hoti, është arrestuar mbrëmë nga policia për krime zgjedhore, bashkë me shtetasin Amarildo Jushi. Ndoja dhe Jushi janë vënë në pranga për “Pengimi i qarkullimit të mjeteve të transportit”, “Drejtimi i automjeteve në mënyrë të parregullt”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”.
Por kush është Ladi Ndoja, i arrestuar në vitin 2016 si trafikant droge?
Ishte viti 2015, kur Ndoja ra në pranga në Valencia të Italisë bashkë me tjetër shqiptar, Lorenc Dona, 31- vjeç, të cilit kishin kthyer një banesë në shtëpi droge. Kanabisin më pas e përpunonin dhe e tregtonin në tregun italian.
Policia ishte vënë në gjurmët e tyre dhe pasi i ndoqi i arrestoi në banesën e njërit prej trafikantëve në Venecia. Policia gjeti në garazhin e Ladi Ndojës dy çanta me 24 kg marijuanë dhe 28 kg të tjera në apartamentin e tij. Gjithashtu u gjetën dhe 24 karta identiteti të vjedhura në vitin 2012 të pa plotësuara.
Më pas agjentët e antidrogës zbuluan vendin ku kultivonin kanabis në kushte artificiale, një zonë industriale në afërsi të Venecias.
