ot, lideri Ali Ahmeti dhe kryetari Fatmir Dehari, në bashkëpunim me forumin rinor “Bashkë për Kërçovën” dhe kandidatët për këshilltarë komunalë, zhvilluan një aktivitet të veçantë në qytetin e Kërçovës – takime derë më derë me qytetarët, për t’ua prezantuar dhe dorëzuar programin zgjedhor “Bashkë për Kërçovën”.
Ky veprim simbolik, por me mesazh të fuqishëm, është realizuar për herë të parë në këtë formë në Kërçovë dhe synon të forcojë transparencën, afërsinë dhe komunikimin e drejtpërdrejtë me qytetarët.
Në këtë kuadër, kryetari Dehari theksoi:
“Ne jemi gjithmonë pranë qytetarëve, në të mirë e në të keqe. Nuk shfaqemi vetëm një herë në katër vjet. Qytetari është në qendër të çdo vendimmarrjeje tonë.”
Ai më tej shtoi:
“Ne besojmë se zëri i kërçovarëve do të jetë themeli i çdo vendimi. Programi ynë është i qytetarëve, për qytetarët dhe me qytetarët. Kërçovarët gjithmonë kanë qëndruar me Ali Ahmetin dhe me vizionin e bashkimit.”
Iniciativa “derë më derë” është pritur shumë pozitivisht nga banorët, të cilët vlerësuan afërsinë, sinqeritetin dhe komunikimin e drejtpërdrejtë të kandidatëve të Aleancës për Kërçovën e Integruar (AKI).
Ky model takimi përforcon besimin dhe përfshirjen qytetare, duke e afruar më shumë bashkëpunimin mes udhëheqjes dhe komunitetit./
