Çfarë shkruanin gazetat më 7 prill 1993/ Ndryshime në qeverinë Meksi, Uka e Kopliku largohen nga Bujqësia e Rendi dhe mbeten vetëm zv.kryeministra

Edhe pse kishte vetëm një vit në pushtet në qeverinë e drejtuar nga Aleksandër Meksi bëhen ndryshimet e para. Në shtypin e shkruar të datës 7 prill 1993 pasqyroheshin 3 ndryshimet në qeverinë Meksi. ZP(Zëri i Popullit) në faqe të parë shkruante : “Presidenti Berisha arnon qeverinë duke i bërë lëshime të djathtës ekstreme”. Rexhep Uka dhe Bashkim Kopliku u larguan nga drejtimi i Bujqësisë dhe Rendit dhe mbetën vetëm në postin e zv.kryeministrit dhe po ashtu u largua edhe Ministrti i Turizmit Osman Shehu. Gazeta Koha jonë për këto lëvizje shkruan : Kush fitoi dhe kush humbi me ndryshimet në qeveri?”