Bedri Hamza që në zgjedhjet parlamentare të 9 shkurtit ka garuar si kandidati për kryeministër nga radhët e Partisë Demokratike të Kosovës (PDK), ka thënë në “Pressing” të T7, të enjten se nuk do të ketë koalicion me Lëvizjen Vetëvendosje edhe nëse iu ofrohet posti i kryeministrit.
“Eshtë punë e mbyllur”, ka thënë Hamza – teksa shtonte se dallimet konceptuale në mes të PDK-së e LVV janë shumë të thella.
Siç thotë Hamza këto dallime pamundësojnë harmonizimin e programeve, rrjedhimisht Hamza nuk sheh përpara rrugë të përbashkët të dy partive që dolën të parat në zgjedhjet parlamentare.
“Është punë e mbyllur, nuk është problemi te posti i kryeministrit. Nuk është kërkesa që dikush prej PDK-së në këtë rast unë me qenë kryeministër. Unë jam I gatshëm me marrë përgjegjësi, por jo kur e di që nuk ke program që mund e harmonizon”.
