8
Europa po afron dhe nuk e gjen Partizanin në formën më të mirë të mundshme. Të kuqtë kanë aktualisht dy lojtarë të dëmtuar. Bëhet fjalë për Redon Ismailin dhe Andi Janjevën. Asnjë prej tyre nuk do të jetë i gatshëm në Europë.
Të dy vazhdojnë të dëmtuar, ndërsa nuk ishin të pranishëm me skuadrën në fazën përgatitore të Ohrit. Ismaili mund të konsiderohet mungesa që peshon më shumë, pasi vjen në mesfushë ku Partizani shfaq nevojë. Në anën tjetër, situata në mbrojtjen e Partizanit shfaqet e qëndrueshme.
Kështu edhe mungesa e Janjevës mund të mos ndihet. Kujtojmë se Partizani do të luajë ndeshjen e parë në Talin. “Demat” do të zbresin në fushë, më 10 korrik, ora 20:00, për t’u përballur me Kaljun.
