57
Një situatë aspak e zakonshme ka ndodhur në Parlamentin Europian. Pasi kryeministri hungarez Viktor Orban ka mbajtur fjalimin e tij përpara eurodeputetëve, një pjesë e tyre kanë nisur të këndojnë në korr këngën e njohur “Bella ciao”.
Pas 20 sekondash këndim, presidentja e Parlamentit Roberta Metsola mori fjalën dhe u përpoq të ndalojë “vrullin e këngës”. Ajo tha “Ky nuk është Eurovizion”.
Orban sapo kishte paraqitur prioritetet e Hungarisë për Presidencën e saj mbi Këshillin e Bashkimit Evropian kur u pa kjo skenë në Strasburg.
Hungaria do ta mbajë këtë presidencë të BE-së deri në fund të vitit 2024.
