Anglia është e para në Grupin K dhe për momentin ka 21 pikë pas shtatë takimeve, teksa i ka të gjitha fitore dhe nuk ka pësuar asnjë gol. “Tre Luanët” e kanë siguruar një biletë për në finalet e Botërorit 2026 që do mbahet verën që vjen në Amerikën e Veriut.

Nga ana tjetër, me 14 pikë Shqipëria ka siguruar matematikisht zonën play-off të Kupës së Botës, kjo për herë të parë në histori. Të enjten më 20 nëntor tanët do mësojnë edhe rivalin në gjysmëfinalen që do luhet më 26 mars 2026.

Para sfidës së sotme ka pasur festë në Kombëtare dhe protagonist u bë mesfushori Adrion Pajaziti i cili festoi 23 vjetorin e lindjes me ekipin.

Trajneri Sylvinho ka vendosur që për këtë duel mos ketë të gatshëm Mario Mitajn dhe Juljan Shehun, të dy të ndëshkuar me karton të verdhë. Të ndëshkuar janë gjithashtu Ajeti, Manaj dhe Bajrami, dy nga të cilët nuk luajnë nga minuta e parë. Nëse marrin një karton të verdhë, e sigurt është se mungojnë në gjysmëfinalen play-off, ndaj trajneri ka programuar një rotacion me pesë ndryshime nga fitorja 0-1 e tre ditëve më parë në Andorra.

Formacionet zyrtare:

Shqipëria (4-3-3): Strakosha; Hysaj, Ismajli, Gjimshiti, Aliji; Asllani, Ramadani, Laçi; Hoxha, Bajrami, Uzuni Trajner: Sylvinho

Anglia (4-3-3): Henderson; Burn, Quansah, Stones, O’Reilly; Bellingham, Wharton, Rice; Eze, Bowen, Kane Trajner: Thomas Tuchel

Afro 22 mijë tifozë do jenë sot në “Air Albania”, ndërsa ka nisur futja e tyre në stadium me sigurinë e shtuar. Sa i takon anglezëve, një numër i madh i miqve pritet në impiant, teksa nuk pritet përplasje. Të gjitha biletat janë shitur prej disa ditësh.

Statistikat kundër Anglisë

Shqipëria dhe Anglia janë përballur shtatë herë më parë. Në të gjitha rastet ka fituar Anglia, ndërsa ne i kemi shënuar ‘Tre Luanëve’ vetëm një herë, në humbjen 1-3 në ‘Qemal Stafa’ më 28 mars 2001, me gol nga Altin Rraklli. Ndërkohë që Anglia na ka shënuar 21 gola.

Takimi i fundit mes skuadrave daton më 21 mars 2025, kur në Londër Anglia fitonte 2-0. Kjo është ndeshja e fundit që Shqipëria ka humbur këtë vit, teksa më pas Kombëtarja ka gjashtë fitore (pesë radhazi) dhe dy barazime. Anglia, në shtatë ndeshjet e kësaj fushate kualifikuese ka shtatë fitore. ‘Tre Luanët’ nuk kanë pësuar asnjë gol, duke shënuar 20-të. Misioni i Shqipërisë në “Air Albania” duket i vështirë.

Arbitrat

UEFA ka vendosur që në Tiranë të gjykojnë arbitrat nga Italia. Kryesori Marco Guida do mbështetet nga ndihmësit Giorgio Peretti, Alessio Berti dhe Simone Sozza. Në VAR do jenë Marco Di Bello dhe Valerio Marini.

Renditja:

 

Kombëtarja zbret në fushë, pritet me brohorima nga publiku

 

Me duartrokitje dhe brohorima është pritur ekipi i Shqipërisë gjatë daljes për nxehmjen e zakonshme para ndeshjes kundër Anglisë. Tifozët po vijojnë të mbushin stadiumin ‘Air Albania’, teksa gjithë biletat janë shitur (22 mijë).