20
Maqedonia e Veriut po udhëhiqet nga futbollistët shqiptarë, ndërsa ëndërron kualifikimin në Botërorin 2026. Protagonist mbrëmë ishte Enis Bardhi ndaj Kazakistanit.
Kapiteni shqiptar i maqedonasve shënoi gol të rrallë për këto kualifikuese. Bardhi provoi direkt nga goditja e dënimit dhe e dërgoi topin në rrjetë, ndërsa distanca ishte më e madhe se 30 metra.
Fantazisti i ka në reperton golat nga jashtë zone, ndërsa i radhës i solli barazimin Maqedonisë së Veriut. Sfida u mbyll me rezultatin 1-1.
Tashmë si rival për vendin e dytë shikohet vetëm Uellsi. Kazakistani doli jashtë gare, pasi vetëm fitorja i bënte punë.
