11
Deputeti i PDK-së, Përparim Gruda ka thënë se Lëvizja Vetëvendosje po vazhdon të gënjejë publikisht rreth Ligjit për Amnistinë.
Gruda tha se dy deputetët e LVV-së, Arbreshë Kryeziu dhe Artan Abrashi mashtruan sot opinionin duke thënë se me këtë ligj janë falur edhe veprat penale të vrasjes.
“Kjo është tërësisht e pavërtetë”, tha ai.
“Neni 4 i ligjit e përcakton qartë se nga amnistia përjashtohen veprat penale që kanë rezultuar me lëndime të rënda trupore ose me vdekje”, u shpreh Gruda.
“Ky manipulim i përsëritur disa herë nga LVV është i lehtë për t’u demantuar, mjafton ta lexoni vetë nenin 4 të ligjit dhe do ta shihni të vërtetën”.
