Grupi Parlamentar i PS-së dhe kabineti qeveritar mblidhen të mërkurën në Pallatin e Brigadave

Partia Socialiste do të zhvillojë të mërkurën, më 14 tetor, një mbledhje të zgjeruar të Grupit të saj Parlamentar së bashku me kabinetin qeveritar.

Takimi është caktuar të mbahet në orën 12:30 në ambientet e Pallatit të Brigadave. Sipas mesazhit zyrtar të dërguar ligjvënësve socialistë, mbledhja e zakonshme e së hënës nuk do të zhvillohet, për t’i lënë vend këtij takimi të zgjeruar. Kjo mbledhje vjen vetëm pak ditë pas miratimit në Kuvendin e Shqipërisë të hartës së re territoriale të vendit.