Pjesë e kësaj konference janë Agjencitë Mbikëqyrëse të Policisë dhe Agjencitë Antikorrupsion të Evropës përfshirë Agjencinë Kundër Korrupsionit të Republikës së Kosovës. Gjatë ditës së parë pjesëmarrëseve iu drejtua Presidenti i EPAC/EACN z. Linas Pernavanas, Presidenti i EUROJUST z. Michael SCHMID, dhe zyrtarë tjerë të lartë nga mekanizmat e zbatimit të ligjit në Bashkimin Evropian.
Folës të tjerë dhe ekspertë kanë diskutuar dhe prezantuar gjatë konferencës për mundësitë e bashkëpunimit në hetimin e korrupsionit, mjetet dhe zhvillimet në parandalimin dhe luftën kundër korrupsionit, trajnimet për fuqizimin e integritetit në institucionet e zbatimit të ligjit dhe mbikëqyrjen policore.
Kryeshefi Hodaj dhe delegacioni i IPK-së gjatë kësaj Konference u takuan me udhëheqës të shumë institucioneve të mbikëqyrjes policore dhe Antikorrupsionit nga Evropa.
Përveç punimeve të konferencës do të mbahet edhe Asambleja e Përgjithshme ku vendoset për anëtarësime të reja dhe zgjedhjen e organeve drejtuese të këtij mekanizmi të rëndësishëm në të cilin IPK ndër vite është anëtar vëzhgues.
