7
Sot mirëprita ambasadoren e Holandës, në Republikën e Maqedonisë së Veriut, Ozlem Canel me të cilën diskutuam për zhvillimet e fundit politike në vend, duke vënë theksin tek reformat që po i bën vendi konform legjislacionit evropian. Falënderova ambasadoren për mbështetjen që Holanda po i jep vendin tonë në rrugën e integrimit si dhe për realizimin e projekteve që janë në interes të qytetarëve tanë.
Po ashtu biseduam edhe për sfidat dhe problemet me të cilat përballet Komuna e Tetovës, si dhe për decentralizimin e komunave si një nevojë thelbësore për funksionimin më efikas të pushtetit lokal.
Partneriteti me Holandën dhe vendet tjera të BE-së, mbetet prioritet për forcimin e institucioneve dhe demokracisë.
