7
Klubi i Devollit ka vazhduar menjëherë punë për të ndërtuar grupin e lojtarëve me të cilët do të tentojë ngjitjen në Serinë A në këtë sezon.
Pas prezantimit të trajnerit Erindi Maneshi dy ditë më parë, Devolli ka nisur punë konkrete për të vënë në kontratë lojtarët që do të jenë pjesë e rëndësishme e skuadrës për edicionin e ri. Dy nga emrat e parë vijnë nga Skënderbeu, pasi Devolli ka siguruar huazimin e tyre nga korçarët.
Drejtori sportiv Gjergji Xhango ka arritur akordin me lojtarët Xhonas Nuosu dhe Anderson Xhoshua Xhunior, të cilët kanë firmosur kontratën me klubin devollit për t’u bërë pjesë e tij në këtë edicion në Kategorinë e Dytë.
