Paçka një dëmtimi të meniskut vetëm dy ditë më parë, Neymar vendosi të sfidonte dhimbjen dhe të zbriste në fushë në momentin më kritik për Santosin. Sulmuesi brazilian, ndonëse ishte këshilluar të mos luante nga stafi mjekësor, vendosi të ndihmonte skuadrën në betejën për mbijetesë.
Vendimi i tij rezultoi vendimtar. Neymar jo vetëm që luajti me dhimbje të forta në gju dhe qetësues, por edhe shënoi golin e parë në fitoren 3-0 të Santos ndaj Recife, duke ndezur entuziazmin e tifozëve dhe duke dhënë shembull sakrifice.
Tri pikët e arta e nxjerrin Santosin për momentin jashtë zonës së rënies nga kategoria, teksa kanë mbetur edhe dy ndeshje deri në fund të sezonit. Paraqitja e Neymar, në kushte të vështira fizike, është cilësuar nga mediet braziliane si një nga paraqitjet më të guximshme të tij me fanellën bardhezi.
Pas zëvendësimit në pjesën e dytë, kamerat kapën gjurin e majtë të ‘dërrmuar’ të Neymar.
