Sfida ishte e luftuar, me Elbasanin që kundërsulmoi disa herë rrezikshëm me Diallo, derisa gjeti golin e me këtë të fundit. Egnatia u përgjigj në pjesën e dytë duke imponuar ritmin e vet, teksa gjeti golin me Xheferson.
Por nga ai moment ndeshja u tensionua teksa me radhë ishin Lulaj, Fangaj e Xheferson që u ndëshkuan me të kuq. Ky i fundit shkaktoi penallti duke i dorëzuar mundësinë Loukilit të realizonte nga pika e bardhë. Futbollisti i Elbasanit gaboi pasi u ndal nga Dajsinani, Lajthia shtyu më pas topin në rrjetë, por pa t’i anulohej goli për një lëvizje më të shpejtë te momenti i penalltisë.
Kjo i vuri vulën një ndeshje shumë dramatike që tregoi një paradhënie të një rivaliteti të ndezur mes këtyre dy skuadrave që janë mes atyre që do të tentojnë t’i shkojnë deri në fund kampionatit.
NGJARJET KRYESORE
90’+13’ Mbyllet ndeshja me barazimin 1-1.
90’+9’ Loukili sheh penalltinë e tij të ndalet nga Dajsinani, por Lajthia shkon i pari te topi dhe çon sferën në rrjetë. Megjithatë gjyqtari anulon golin pasi konstatohet nga VAR se lojtari i Elbasanit ka hyrë në zonë para gjuajtjes. (VIDEO) (VIDEO)
90’+6’ Kundërsulm i rrufeshëm i Bunjakut, Xheferson e tërheq dhe e rrëzon në zonë, duke shkaktuar penallti dhe duke u ndëshkuar vetë me të kuq. (VIDEO)
90’+3’ Fernando sheh gjuajtjen e tij drejt portës të bllokohet e më pas është Aleksi i cili tenton nga jashtë zonës, por duke çuar sferën mbi traversë. (VIDEO)
90′ Jepen 9 minuta shtesë.
89’ Edhe Egnatia me 10 lojtarë! Pas një faulli në favor të Egnatias, mbrojtësi godet në tokë Loukilin dhe ndëshkohet direkt me karton të kuq. (VIDEO)
85’ Xheferson feston poshtë tribunës së tifozëve të Elbasanit, ndërsa Lulaj e shtyn në tokë, duke ndezur sherr në fushë. Gjyqtari Cjapi u tregon të dyve të verdhin, që është i dyti për kapitenin e Elbasanit i cili lë skuadrën me 10 lojtarë.
83’ GOOOL EGNATIA! Pas një goditje këndi, topi shkon te Xheferson i cili shënon golin e barazimit. (VIDEO)
82’ Ibrahimi ndëshkohet me të verdhë për faull ndaj Ruçit.
80’ Buriç i lë vendin Bakajokos në radhët e Egnatias. Ndërkohë Tsage dhe Diallo i lënë vendin Ibrahimit dhe Lajthisë te Elbasani. Tsage ndëshkohet me të verdhe për vonesa.
78’ Diallo kërkon ndihmën mjekësore pas një përplasje me Poçin në zonë.
75’ Xheferson harkon nga e majta në zonë, Buriç gjuan me kokë por nuk gjen portën me sferën që del jashtë ngjitur me shtyllën. (VIDEO)
73’ Një harkim nga e majta e sulmit të Egnatias sjell një goditje me kokë drejt portës por Janaçek kontrollon i qetë. (VIDEO)
70’ Leo Melo i lë vendin Ruçit në radhët e Egnatias.
70’ Mundësi e mirë e Egnatias me Guijem i cili pason për Jahajan. Gjuajtja e tij devijohet e më pas Leo Melo nuk arrin ta kthejë drejt portës. (VIDEO)
68’ Aleksi depërton në zonë, gjuajtja e tij bllokohet nga mbrojtja kundërshtare.
63’ Bunjaku merr vendin e Qoses në radhët e Elbasanit.
62’ Guijem dhe Xheferson marrin vendin e Selmanit dhe Ndrecës në radhët e Egnatias.
61’ Diallo harkon direkt në portë nga këndorja, Dajsinani kalon sferën mbi traversë.
56’ Vendasit kërkojnë një tjetër penallti për prekje të topit me dorë nga Lulaj, gjyqtari lë lojën të vazhdojë dhe më pas ia konfirmon dhe VAR vendimin e saktë. (VIDEO)
55’ Ndreca ndëshkohet me të verdhë për një faull ndaj Diallo.
53’ Përsëri Diallo, këtë herë nga pozicioni ballor pas një pasimi të Mustës, por gjen përgjigjen e Dajsinanit. (VIDEO)
52’ Loukili nga e majta harkon në shtyllën e dytë për Diallo i cili gjuan fluturimthi por me shënjestër tërësisht të gabuar.
47’ Menjëherë Jahaja ka mundësinë të tentojë portën nga e majta, gjuajtja e tij me të djathtën bllokohet nga Lulaj. (VIDEO)
46’ Pjesa e dytë nis me lëvizje të Egnatia, pasi Jahaja merr vendin e Grudës.
45’+5’ Mbyllet pjesa e parë me avantazhin 1-0 të Elbasanit.
45’ Jepen 3 minuta shtesë.
44’ GOOOL ELBASANI! Tsague nga e majta gjen hapësirë dhe kroson për Diallo i cili shmang një mbrojtës dhe me të majtën mposht Dajsinanin. (VIDEO)
42’ Kasa ndëshkohet me karton të verdhë.
40’ Nuk ndalen vendasit me sulmet e tyre, dy gjuajtje radhazi që ndalen nga Janaçek. (VIDEO)
39’ Selmani nga e djathta harkon rrezikshëm në zonë, Azemoviç largon me vështirësi duke iu afruar autogolit. (VIDEO)
37’-39’ Poçi merr ndihmën e parë mjekësore, i goditur nga një objekt që ka fluturuar nga tribuna e tifozëve të Elbasanit.
36’ Aleksi ndëshkohet me karton të verdhë për një faull ndaj Loukilit të nisur drejt sulmit në të majtën.
31’ Gruda depërton në zonë dhe rrëzohet pas një kontakti me Lulajn. Vendasit kërkojnë penallti, ndërsa gjyqtaria Cjapi pret udhëzime nga VAR pasi ka lënë lojën të vazhdojë. Në fund ai ndëshkon Grudën me të verdhë për simulim. (VIDEO)
30’ Selmani harkon një goditje dënimi në zonë, Janaçek del dhe grushton.
28’ Diallo është përsëri protagonist me një shpërthim në të djathtën, pasimi i tij gjen Qosen i cili gjuan por çon sferën në duart e Dajsinanit. (VIDEO)
25’ Leo Melo ndëshkohet me karton të verdhë.
24’ Harkim i Fangajt nga e djathta, topi shkon te Leo Melo i cili gjuan por gjen përgjigjen e portierit të Elbasanit. (VIDEO)
20’ Gruda provon të shpërthejë në krahun tjetër duke hyrë në zonë nga e majta, pasimi i tij në qendër bllokohet nga mbrojtja.
19’ Diallo në krahun e majtë driblon këdo që i del para dhe në fund është vetëm ndërhyrja e Aleksit që shmang një situatë të rrezikshme para portës. (VIDEO)
16’ Loukili në qendër të zonës tenton dy herë radhazi, por nuk gjen dot korridorin për të çuar sferën në portën e Dajsinanit.
14’ Përsëri është Elbasani në sulm, me harkimet nga krahët. Këtë radhë me sferën që shkon te Lila i cili gjuan në mënyrë shumë të gabuar mbi traversë.
12’ Tjetër shpërthim i Diallo në krahun e djathtë, këtë herë është Alijev i cili largon sferën.
10’ Shkëndija e parë është me Diallo i cili gjen hapësirë duke shmangur Alijev dhe gjuan, por ndalet nga Dajsinani. (VIDEO)
4’ Egnatia ngulmuese në minutat e parë, ka kontrollin e lojës dhe me Leo Melo e Mustën nga krahët tenton me harkime të ndaluara nga mbrojtja verdheblu.
1’ Nis dueli në Rrogozhinë
FORMACIONET ZYRTARE
EGNATIA: Dajsinani, Alijev, Poçi, Ndreca, Fangaj, Aleksi, Fernando, Leo Melo, Selmani, Gruda, Buriç.
Trajner: Edlir Tetova
ELBASANI: Janaçek, Lulaj, Musta, Lila, A. Kasa, Qose, Diallo, Azemoviç, Abas, Loukili, Tsague
Trajner: Ivan Gvozdenoviç
