2
Banorët e lagjes Kodra e Trimave në Prishtinë, konkretisht në afërsi të rrugës “27 Nëntori”, janë duke u përballur me një situatë shqetësuese për shkak të numrit të madh të qenve endacakë.
Sipas tyre, praninë e madhe të këtyre kafshëve po e ndiejnë sidomos fëmijët dhe të moshuarit, të cilët shpesh ndihen të pasigurt gjatë lëvizjes në lagje.
Qytetarët kërkojnë ndërhyrje urgjente nga Komuna e Prishtinës dhe institucionet përkatëse, për të garantuar sigurinë publike dhe për të gjetur një zgjidhje humane për trajtimin e qenve endacakë.
