Një punë voluminoze është duke u kryer në Parlament më qëllim që vendi të jetë gati për të mbyllur negociatat për anëtarësim në BE brenda vitit 2027.
Barra e Kuvendit në këtë aspekt është e rëndë, me plot 500 ligje që duhen miratuar, për të përmbushur kushtet e Brukselit.
Gama e gjerë e ndryshimeve ligjore është e shtrirë në afate të ndryshme gjatë këtij dy vjeçari, por për të kuptuar peshën e tyre, vlen të nënvizohet se vetëm gjatë muajit dhjetor, Kuvendit i është lënë për detyrë të miratojë 20 ligje si kërkesa të negociatave integruese.
Mes tyre listohen edhe ligje me 84 vota, që gjithsesi kërkojnë konsensus, që socialistët, në mos e arrijnë me PD-në, mund ta realizojnë me partitë e tjera të vogla parlamentare. Të tilla janë: Kodi Penal, apo ligjet që prekin reformën në drejtësi.
Gjatë dhjetorit duhet kaluar ligji që rregullon punën e komisioneve hetimore parlamentare, ai për avokatin e popullit, si dhe ligje që rregullojnë sferën mediatike dhe sponsorizimet.
Në përputhje me kushtet e BE-së, Kuvendi pritet të miratojë edhe një ligj specifik gjatë dhjetorit, për etikën e punonjësve të administratës publike.
Burime pranë Kuvendit të Shqipërisë, i thanë Report TV, se për të përballuar këtë fluks Edi Rama ka ngritur një grup pune mes Parlamentit dhe Qeverisë për koordinimin e çështjeve prioritare.
Përgjegjësia e hartimit dhe propozimit të ndryshimeve ligjore është shpërndarë mes deputetëve dhe qeverisë.
Ligjet për tu kaluar në dhjetor:
“Për vullnetarizmin”
“Për ndryshimet klimatike”
“Për funksionimin e Komisioneve Hetimore të Kuvendit”
“Për Avokatin e Popullit”
“Për parandalimin e konfliktit të interesave”
“Për statusin e gjyqtarëve dhe prokurorëve”
“Për organet e qeverisjes së sistemit të drejtësisë”
“Kodi Penal”
“Për sinjalizimin dhe mbrojtjen e sinjalizuesve”
“Për masa ndaj dhunës në marrëdhëniet familjare”
“Për rregullat e etikës në administratën publike”
“Për shërbimet e përkujdesit shoqëror”
“Për sponsorizimet”
“Për mbrojtjen nga diskriminimi”
“Për Mediat Audiovizive”
“Për barnat narkotikë dhe lëndët psikotrope”
“Për kontrollin e lëndëve narkotike dhe psikotrope”
“Për rolin e Kuvendit në procesin e integrimit”
“Për mbështetjen dhe zhvillimin e startup-eve
