22
Jasir Asani u bë i njohur në Shqipëri me Partizanin ku edhe fitoi titullin kampion, për të vijuar më pas karrierën jashtë. 30-vjeçari e ka shprehur shpesh herë mbështetjen për klubin e kuq, siç edhe ka bërë së fundmi.
“Drejtori më i mirë”, shkruan Asani që publikoi sot foton me Ildi Dajlanin, që është menaxher i Partizanit. Anësori i Kombëtares ndërkohë ndodhet në grumbullim me kuqezinjtë, që arritën kualifikimin historik në “play off” të Botërorit.
Të dielën, prej orës 18:00 është rezervuar takimi me Anglinë në stadiumin “Air Albania”. Kjo sfidë do mbyllë fushatën kualifikuese në Grupin K për të dyja përfaqësueset.
