Mëngjesin e sotëm, rreth orës 10:00, u gjet shtetasi 44-vjeçar shqiptar, i cili kishte qenë i zhdukur nga shtëpia prej dy ditësh. Ai u gjet nga zjarrfikësit me helikopter që fluturonte mbi guroren pranë liqenit të Giulianello-s, në komunën e Artenës në Itali.
Përveç ekipit të zjarrfikësve të Colleferro-s, në kërkim morën pjesë edhe njësi të specializuara të Brigadës së Zjarrfikësve. Pasi subjekti u identifikua, duke përdorur teknikat e kërkimit nga lart dhe nga toka, ai iu besua punonjësve të shëndetësisë dhe u transportua me kod të kuq në spitalin Colleferro.
Karabinierët e stacionit lokal vepruan në vendngjarje për kërkimet dhe hetimet e rastit, pasi morën sinjalizimin e partneres të personit të zhdukur, 2 ditë më parë. Personi i zhdukur u gjet duke përdorur vinçin e helikopterit të zjarrfikësve dhe, pasi u lidh dhe u sigurua, ai u dërgua në një zonë të sheshtë për t’ia dorëzuar ambulancës që ishte në vendngjarje.
Ai ishte zhdukur 2 ditë më parë pasi ishte kthyer nga puna si punëtor ndërtimi. Duket se ai kishte gëlltitur edhe disa substanca helmuese, ndoshta kishte ndërmend t’i jepte fund jetës së tij, tani është shtruar në spital me një prognozë të rezervuar, ende në gjendje jo të mirë.
