Një anije kozmike që do të transportonte 2.400 njerëz në një udhëtim 400-vjeçar drejt planetit Proxima Centauri b ka fituar vendin e parë në një konkurs projektesh për udhëtime ndëryjorësore. Projekti Chrysalis ka një kompleksitet të jashtëzakonshëm.
Udhëtimi drejt sistemit yjor më të afërt është udhëtimi përfundimtar vetëm në një drejtim – por a do të mund të ia dilje ta jetosh jetën tënde midis yjeve?
Kjo është pyetja e ngritur nga Live Science, i cili po organizon gjithashtu një sondazh për këtë temë.
Imagjino të largohesh nga Toka për gjithmonë dhe të hipësh në një anije kozmike të krijuar për të transportuar ty dhe mijëra njerëz të tjerë në një udhëtim vetëm me destinacion sistemin yjor më të afërt, Alpha Centauri – një udhëtim që mund të zgjasë 400 vjet.
Kjo është vizioni i guximshëm pas Chrysalis, një anije kozmike hipotetike që mund të transportojë 2.400 njerëz në një distancë prej më shumë se 40.000 miliardë kilometrash drejt ekzoplanetit Proxima Centauri b.
Projekti Chrysalis mund të bashkëkonsultohet këtu. Misioni hapësinor është paraqitur në detaje të imtë dhe kompleksiteti i planit është jashtëzakonisht i madh.
A do të ishe i gatshëm t’i bashkoheshe këtij udhëtimi të jashtëzakonshëm?
Projekti ka fituar vendin e parë në konkursin e dizajnit Project Hyperion që u mbajt më 23 korrik, një konkurs mes inxhinierësh për të projektuar një anije kozmike shumëbreznore hipotetike, të ndërtuar për udhëtime ndëryjorësore afatgjata dhe të aftë për të mbështetur një shoqëri të mbyllur ndër shekuj.
Edhe pse ky plan është plotësisht hipotetik, ai sjell një pyetje të rëndësishme për të gjithë ne: A do të ishe i gatshëm t’i bashkoheshe këtij udhëtimi të jashtëzakonshëm?
Dhe rezultatet e sondazhit në Live Science janë befasuese, duke marrë parasysh natyrën e faqes dhe të lexuesve të saj.
Të enjten në mbrëmje, 38% e pjesëmarrësve në sondazh u përgjigjën se nuk e marrin fare në konsideratë një gjë të tillë, 36% thanë se do të nënshkruanin menjëherë për një vend në anijen kozmike dhe 26% thanë se do të mendoheshin, në varësi të detajeve të misionit.
