Kryeministri Edi Rama i cili ndodhet në Bruksel në vijim të agjendës për çeljen e grupkapitullit të fundit të negociatave, ishte pjesë e panelit. Në fjalën e tij, kreu i qeverisë e cilësoi jetike për Bashkimin Europian procesin e zgjerimit.
“Të dashur miq të Europës, i dashur Gertian, dhe nëpërmjet jush i dashur Marta, faleminderit për ftesën, faleminderit që më vendosët sërish në këtë fushëbetejë të njohur idesh, këtë të ardhur që kemi përpara me të gjithë nuancat e saj të grisë dhe dritën e premtimeve të saj të. Më keni ftuar të flas për zgjerimin por duke ardhur këtu sot e kapa veten duke menduar se çfarë tjetër mund të them për zgjerimin, nga një herë mendoj, mendoj se mund të botoj një libër me evolucionin e flokëve e të mj imë titullin Anatomia e Zgjerimit. As nuk do të heq dorë nga zgjerimi dhe as nuk do më mbarojnë fjalët për të. Zgjerimi është e ardhmja e Europës. Më lejoni ta them krejt qartë, në vend që të përdor fjalën zgjerim dhe që ka lindur në Bruksel, më lejoni të gjejmë një fjalë tjetër: ribashkim, ky është koncepti, një domosdoshmëri historike”,- tha Rama ndër të tjera.
Kryeministri falenderoi Komisioneren e Zgjerimit të Bashkimit Europian, Marta Kos, për energjinë e re që i dha procesit të zgjerimit të unionit, duke e përshpejtuar në vetëm 1 vit si eurokomisionere.
“Tani dëshiroj t’ju them pak fjalë për Martën, për këtë zonjë e cila për më pak se dy javë do të ketë mbushur vitin e saj të parë si komisionere për zgjerimin, dhe kjo duket që ka ndodhur dje. Për faktin që këto muaj Marta na i ka mbushur me lëvizje dhe rezultate, me një entuziazëm që deri vonë besoja se Brukseli e kishte humbur, vërtet është e çmuar. Dje Shqipëria hapi kapitujt e fundit të negociatave, 28 prej tyre nën drejtimin e Marta Kos”,- tha Rama.
Forumi i Zgjerimit do të jetë pika e takimit për të gjithë profesionistët që punojnë mbi një nga prioritetet kryesore të mandatit 2024–2029 të Komisionit Europian, të cilët janë të angazhuar në mënyrë aktive në agjendën më ambicioze të zgjerimit të më shumë se një dekade.
Kryeministri Edi Rama ndodhet në Bruksel që prej ditës së djeshme duke shënuar një tjetër hap historik drejt rrugës për t’iu bashkuar familjes së madhe evropiane. Dje u festua çelja e grupkapitullit të fundit të negociatave ‘Bujqësia dhe Kohezioni’.
Rama: Marta Kos po shkruan historinë me ne, dhe historia duhet të shkruajë për të
“Unë besoj që ndërsa Marta po shkruan historinë me ne, duhet të sigurohemi që edhe historia do të shkruajë për të me faqet e saj. Ajo duhet të botojë një libër me titull Antologjia e një zgjerimi të bërë nga unë, dhe i jap fjalën Martës me të gjithë lagjen ballkanike që ndodhet këtu që do të përbahem me fisnikëri nga pretendimet e të drejtës së autorit për kapitullin e Shqipërisë”,- tha Rama gjatë fjalës së tij në Forumin e Zgjerimit të Bashkimit Europian që u zhvillua në Bruksel.
Pse duhet anëtarësuar Shqipëria në BE?, Rama: I sjellim Europës shpirtin e dikurshëm
“Ndonjëherë duhet t’i përgjigjem një pyetje jo fort të lehtë: Pse BE duhet ta ketë Shqipërinë në tryezën e saj të rrumbullakët? Dhe mua më duket se përgjigjja është më e lehtë se vetë pyetja, Shqipëria sjell në tryezë shpirtin e madh të dukurshëm të Europës, dhe i sjell kurorës së saj një grup të tjetër të vogël të çmuar. Shqipëria është gati, jemi plotësisht të përkushtuar, kemi treguar rezultate me reforma, nuk do të ndalim asnjë çast, ndjejmë përgjegjësinë për t’i shërbyer Europës dhe Europa për t’i shërbyer paqes”,- tha Rama ndër të tjera.
Bruksel/ Rama: BE ka përfituar sa herë ka ftuar anëtarë të rinj në klubin e saj, të njëjtin rezultat do ketë dhe me Shqipërinë
“Zgjerimi funksionin. Sa herë që BE ka ftuar anëtarë të rinj në klubin e saj, përfitimet kanë tejkaluar frikën. Nuk ka asnjë arsye të vetëm të besojmë se gjërat do të jenë kundër tashmë. Demokracia është në tërheqje, demagogjia po ecën përpara, të drejtat e njërit janë nën sulmet, jo vetëm që Europa është më e cenueshme, por duket më e mirë si një pre e preferuar për agresorët. Europa e bashkuar është Europa e që formëvëson fatin e saj”,- tha Rama.
