Formula 1 ka nisur fundjavën e parafundit të sezonit në cirkuitin e Lusail. Në kualifikueset e Sprintit, McLaren është rikthyer të bëjë ‘ligjin’ pas skualifikimit të një jave më parë në Las Vegas.
I pari e ka mbyllur Oscar Piastri me kohën 1:20.924, ndjekur nga George Russell i Mercedes dhe Lando Norris, piloti tjetër i McLaren. Pas tyre Alonso, Tsunoda, Verstappen dhe Antonelli. Leclerc i Ferrarit vetëm i nënti, ndërsa Hamilton e mbylli në pozitën e 18-të, si për të konfirmuar formën e dobët të ‘Kokëkuqes’ këtë sezon. Për t’u evidentuar edhe komentet e Verstappen në drejtim të ekipit, kjo për formën e dobët të makinës.
Dy gara nga fundi i sezonit, Lando Norris me McLaren kryeson kampionatin me 390 pikë, ndjekur nga shoku i skuadrës Oscar Piastri dhe Max Verstappen i Red Bull me nga 366 pikë. Sfida Sprint, por mbi të gjitha gara e të dielës në orën 17:00 mund të jenë deçizive në garën për titullin kampion, sezon që mbyllet javën që vjen në Abu Dhabi.
