14
Rreth 30 qytetarë i janë bashkuar Kreut të “Shqipëria Bëhet”, Adriatik Lapaj, përpara Kryeministrisë për të protestuar kundër pushtetit që sipas tyre ka kapur gjithçka.
Teksa një natë më parë vetëm Lapaj qëndroi gjithë natën para Kryeministrisë, sot do të qëndrojnë të gjithë si grup.
Kreu i Lëvizjes “Shqipëria Bëhet” u bëri thirrje qytetarëve që t’i bashkohen protestës së tij çdo ditë në orën 5 të pasdites për të protestuar kundër qeverisë.
Qytetarët thonë se nuk kanë dalë në emër të partisë për të protestuar por si aktivistë edhe qytetarë të thjeshtë. Ata thonë se presin edhe të tjerë që t’i bashkohen kësaj proteste.
