PS dhe PD po ndeshen për zgjedhjet e 11 majit. Edi Rama dhe partia e tij ndodhet në avantazh në distancë me PD e Sali Berishës. Flasim për sondazhet e momentit, sepse ka edhe 50 ditë deri në votime.
Ndërkohë PD ka rritur ndjeshëm akuzat ndaj kryeministrit dhe mazhorancës sidomos pas arrestimit të kryebashkiakut të Tiranës, Erion Veliaj. Selia Blu, sikurse edhe PS, ka shpërndarë nëpër botë deputetët në takime me emigrantët që të votojnë. Kjo fushatë intensive vazhdon deri me 4 mars, datë kur KQZ mbyll regjistrimet online për shqiptarët jashtë vendit.
Ndërkohë pas 4 marsit pritet fushatë e egër në Shqipëri. PD në sulm se nuk ka se çfarë të humb me tepër se sa ka humbur në këto 12 vite, kurse PS për të mbajtur pushtetin dhe realizuar atë që thotë Edi Rama për “një mandat tjetër që të fusim Shqipërinë në BE”.
PD ka një rritje kuotash, por jo aq sa të marrë pushtetin.
Le të bëjmë një llogaritje sipas qarqeve, duke marrë rastin me të keq, hipotetik, për PS.
Shikojmë tabelat e zgjedhjeve të vitit 2021 dhe komentojmë:
Nga 11 deputetë që ka qarku Shkodër, në vitin 2021 PS-ja mori 3 deputetë. Ndërkohë deputeti i LSI Agron Çela ka kaluar me PS dhe fiton si deputet. Po kështu PSD e Tom Doshit ka 2 deputetë në këtë qark dhe prapë e ruan këtë rezultat. Pra minumi e majta merr në qarkun Shkodër 6 deputetë. Duke mos harruar se tani PS ka edhe bashkinë të madhë te Veriut, Shkodrën, dhe ku Benet Beci e PS mund të shtojnë votat, por për të qëndruar te minimumi jetik po e lemë se nuk shton deputetë. Mbetemi 6 e majta dhe 5 PD. Ose me saktë PS 4 mandate.
Në qarkun Kukës marrin rezultatin minimal për PS-në, pra nga 3 deputetë merr vetëm 1.
Në qarkun e Lezhës marrim minimumin, nga 7 deputetë, PS merr 3. Dhe pak se 3 nuk shkon mazhoranca në këtë qark. Pa harruar se PSD e Tom Doshit do të marrë vota me shumë nga demokratët për shkak të lidhjeve të tij.
Në qarkun Dibër me pak se 2 deputetë nuk ndodh për PS-në.
Nga 14 deputetë që ka qarku Durrës, PS-ja mori në vitin 2021 8 deputetë. ndaj e zemë se shkon 7 me 7.
Qarku Tiranë ka një deputetë me tepër në këto zgjedhje, pra 37 mandate deputeti prodhon Tirana. Ndërkohë PS-ja 18 mandate ka marrë në vitin 2021. Ndërsa LSI ose PL e sotme ka 2 mandate dhe 1 PSD. LSI ose PL nuk merr me shumë se një mandat në Tiranë, përjashtuar Ilir Metën që futet direkt nga lista e sigurisë në PD. Ndërsa PSD merr 1 ndonëse sulmon për 2 mandate. Në çdo rast PS nuk zbret poshtë 19 mandate në qarkun Tiranë.
Në qarkun e Elbasanit janë 14 mandate deputeti. Në vitin 2021 PS-ja ka marrë 8 mandate. Në rastin me të keq, PS-ja merr 7 deputetë.
Në qarkun e Fierit janë 16 mandate, ku aktualisht PS-ja ka 9 mandate deputeti, LSI (PL) 1 mandat. Diferenca shkon kah PD. Por PS-ja nuk zbret poshtë 10 mandatëve në qarkun Fier, kjo mbetet e sigurtë, pasi është “hambar” i majtë. Pa harruar se ka një drejtuese karizmatike si Belinda Balluku.
Në qarkun Berat janë 7 mandate., ku 5 janë të PS. Në rastin me të keq PS-ja zbret në 4 mandate.
Në qarkun Gjirokastër janë 4 mandate. Nga 3 që ka PS e zemë se ulet në 2 mandate PS, pra 2-2.
Në qarkun Korçë KQZ ka hequr një mandat pra janë 10 mandate në lojë. Deri tani PS ka 6 mandate. E zemë rastin me të keq se shkon në 5 mandate PS.
Qarku Vlorë ka 12 mandate deputeti. Deri tani PS ka 8 mandate deputeti. Prapë e zemë se zbret me një mandat PS, pra shkon në 7 mandate.
Tani të bëjmë llogaritë me kujdes sa mandate merr PS në ditën me të keqe të saj:
Shkodër 4 PS
Lezhë 3 PS
Kukës 1 PS
Dibër 2 PS
Durrës 7 PS
Tiranë 19 PS
Elbasan 7 PS
Fier 10 PS
Berat 4 PS
Vlorë 7 PS
Gjirokastër 2 PS
Korçë 5 PS
Shuma totale 71 deputetë PS.
Por duke njohur traditën shqiptare se të vegjlit turren te i madhi, atëhere llogarit edhe 3 deputetë të PSD, pa harruar edhe PDIU e Shpetim Idrizit, i cili përherë mbetet “vizionar” dhe vrapon me 1 ose 2 deputetë që mund të marri, pra direkt te PS.
Pra në rastin hipotetik me të keq për PS-në ajo mbledhë 76 deputetë.
