Sot është dita e dytë e edicionit të 4-t të Samitit të Diasporës. Axhenda parashikon për sot zhvillimin e 4 paneleve diskutimi me tematika nga demokracia në diasporë, shëndeti, inovacioni, zhvillimi lokal e rural e deri te gjuha shqipe.
Në varësi të temave të diskutimit, të ftuarit në panel do të jenë përfaqësues të fushave nga vende të ndryshme pjesëmarrëse në samit, ministra, kryetarë bashkie, shkrimtarë, profesorë e të tjerë.
Dita e dytë e samitit do të mbyllet me një mbrëmje gala në sallën e Kongreseve.
Në ceremoninë e mirëseardhjes mbrëmë Presidenti Begaj vlerësoi shqiptarët e diasporës si ambasadorët më të mirë të shqiptarisë. I ftoi ata që të mos e shohin Shqipërinë si vendin ku mund të lenë gjurmë. Presidenti dekoroi disa nga figurat më të shquara të diasporës.
