Sulmet Izrael-Iran, 10 të vrarë dhe 200 të plagosur në territorin izraelit! Raketa drejt Tel Avivit edhe nga Jemeni

Të paktën 10 persona u vranë dhe 200 të tjerë u plagosën nga sulmet iraniane gjatë natës në Izrael. Irani sulmoi me të paktën 100 raketa Jerusalemin dhe Haifën. Mes viktimave është edhe një djalë 10-vjeç. Katër persona vdiqën në sulmin në në veri të vendit, ndërsa 6 të tjerë në një ndërtesë që u godit në Bat Yam. Në këtë ndërtesë, sipas mediave izraelite, po kërkohet për 20 persona të tjerë të zhdukur.

Irani kreu sulmet në shenjë hakmarrjeje pas goditjes së bazave ushtarake dhe bërthamore në disa qytete iraniane, ku u vranë figura të larta ushtarake por gjithashtu edhe shkencëtarë bërthamorë. IDF tha se në orët e fundit shtatë dronë të nisur drejt territorit izraelit u interceptuan nga Forcat Ajrore Izraelite dhe Marina Izraelite. Ushtria izraelite njoftoi gjithashtu se gjatë natës kishte goditur baza të tjera raketash në Iran.

“Gjatë orës së kaluar, Forcat Ajrore Izraelite përfunduan një seri të mëtejshme sulmesh në depot dhe objektet e raketave në Iranin perëndimor”. 

Rebelët Houthi, konfirmuan nga ana tjetër, se kishin marrë pjesë në bombardimin e Izraelit në koordinim me Iranin. “Disa raketa u lëshuan në 24 orët e fundit”, njoftoi grupi jemenas. Në sulmin izraelit ndaj Teheranit, më i fuqishmi që nga fillimi i luftës, u shkaktua një zjarr masiv në dy depo karburanti. Ministria e Mbrojtjes u godit gjithashtu.

Ndërkohë, presidenti amerikan Donald Trump përsëriti sërish se SHBA nuk kanë qenë të përfshira në sulmin izraelit, ndërsa kërcënoi Iranin se nëse sulmon bazat e saj në Lindjen e Mesme, do të mësojë fuqinë e vërtetë të ushtrisë amerikane. Më herët, Irani ka akuzuar SHBA se është bashkëpunëtore në sulmin e Izraelit.

 

Netanyahu: 13 të vdekur në sulmet iraniane që nga e premtja

 

T

ë paktën 13 persona janë vrarë nga sulmet iraniane që nga e premtja, ka konfirmuar kryeministri i Izraelit Benjamin Netanyahu.Sipas një deklaratë të lëshuar nga zyra e Netanyahut, mes viktimave janë tre fëmijë. Të plagosur rëndë janë 9 persona ndërsa 341 janë të plagosur lehtë.

 

Rebelët Houthi: Lëshuam dy raketa në Tel Aviv në koordinim me Teheranin

 

Rebelët Huthi të Jemenit kanë marrë përgjegjësinë për lëshimin e dy raketave balistike në Izrael në 24 orët e fundit në koordinim me Iranin, duke thënë se ato shënjestruan “objektiva të ndjeshëm armik izraelitë” në zonën e Tel Avivit.Gazeta “Times of Israel” raporton se pavarësisht këtij pretendimi, burime ushtarake izraelite i kanë konfirmuar medias se IDF nuk është në dijeni të ndonjë lëshimi rakete balistike nga Jemeni në 24 orët e fundit.

 

Trump: Ne nuk jemi të përfshirë! Nëse Irani na sulmon, do të zbulojë fuqinë e padëgjuar të ushtrisë sonë

 

P

residenti amerikan, Donald Trump ka thënë se nëse Irani sulmon Shtetet e Bashkuara në çfarëdo mënyre, do të përballet me fuqinë ushtarake amerikane “në nivele të papara më parë”.”SHBA-të nuk kishin të bënin fare me sulmin ndaj Iranit sonte”, tha Trump në një postim në Truth Social.

“Nëse sulmohemi në çfarëdo mënyre apo formë nga Irani, forca dhe fuqia e plotë e Forcave të Armatosura të SHBA-së do të bjerë mbi ju në nivele të papara më parë. Megjithatë, ne mund të arrijmë lehtësisht një marrëveshje midis Iranit dhe Izraelit dhe t’i japim fund këtij konflikti të përgjakshëm!!!”, u shpreh Trump.

 

Sulmi iranian, izraelitët ‘festojnë’ teksa raketat ngatërrojnë objektiv dhe bien në një vend arab e jo në qytetin e tyre (VIDEO)

 

Disa izraelitë janë filmuar duke “festuar” teksa raketat iraniane ngatërrojnë objektiv dhe bien në një vend arab jo në qytetin e tyre.Videoja është publikuar në rrjete sociale, krahas së cilës shkruhej: “Në këtë video, një numër izraelitësh brohorasin nga gëzimi. Sepse raketat iraniane po shkojnë drejt një qyteti arab, jo drejt tyre.”Mbrëmjen e djeshme, Izraeli dhe Irani kryen sulme ndaj njëri-tjetrit mbrëmjen e djeshme. Irani lëshoi të paktën 100 raketa kundrejt tokës izraelite në shenjë hakmarrjeje për goditjen e objekteve bërthamore dhe ushtarake.

Të paktën 10 persona kanë humbur jetën dhe 200 të tjerë janë plagosur në Izrael.

 

Sulmi iranian në Izrael, të paktën 8 të vrarë dhe 200 të plagosur

 

S

ulmet e fundit me raketa iraniane në Izraelin qendror dhe Jerusalem kanë lënë të paktën 8 persona të vdekur dhe të paktën 200 të plagosur, sipas mediave izraelite. Të paktën katër persona, përfshirë një djalë 10-vjeçar, u vranë dhe rreth 100 të tjerë u plagosën në një sulm me raketa në rajonin qendror të vendit, sipas Magen David Adom, ekuivalentit të Kryqit të Kuq të Izraelit.Në rajonin Shfela, 37 persona të tjerë u plagosën. Policia izraelite konfirmoi në një postim në X se një sulm përgjatë bregdetit qendror në distriktin e Tel Avivit vrau disa persona dhe plagosi dhjetëra të tjerë.

Pasi një sulm i mëparshëm shkatërroi një ndërtesë trekatëshe në rajonin e Galilesë Perëndimore të Izraelit, MDA tha se tre gra u vranë.

“Dy gra u shpëtuan pa shenja jete dhe u shpallën të vdekura në vend”, tha shërbimi i urgjencës. Një grua e tretë vdiq në spital.

Një raketë iraniane goditi një shtëpi në rajonin e Haifës, duke vrarë një grua dhe duke plagosur 14 të tjerë.