20
Elita e futbollit anglez, Premier League dhuroi emocione në ndeshjen e fundit të raundit të 10-të. Të hënën mbrëma në ‘Stadiumin e Dritave’ vendasit e Sunderland barazuan 1-1 kundër Everton.
Ndeshja nisi mirë për miqtë që gjetën golin e epërsisë pas 15 minutave lojë me Ndiaye. Pjesa e parë u mbyll me këto shifra, por menjëherë me nisjen e fraksionit të dytë Granit Xhakës iu deshën vetëm disa sekonda për ekuilibrat.
Le Fee asistoi për kapitenin shqiptar dhe Xhaka me një të majtë nga kufijtë e zonës e ndali sferën në rrjetë për rezultatin 1-1. Tanimë Xhaka me Sunderlandin e gjejnë veten në vendin e katërt me 18 pikë, ndërsa Everton me 12 pikë merr vendin e 14-të.
