Për të dytën ditë radhazi, qendra e Tiranës është përfshirë nga akte të dhunshme, me protestues të maskuar që prej orës 12:00 sulmojnë me gurë e molotovë Ministrinë e Arsimit, bizneset dhe përplasen me efektivët e Policisë. Aktet e dhunës kanë përshkallëzuar deri në djegien e një zyre në katin e parë të Ministrisë së Arsimit, një dege bankare dhe një tjetër institucioni financiar iute Credit, të cilat ishin sulmuar edhe një ditë më parë.
Flakët krijuan një situatë të rrezikshme, pasi rrezikonin të përhapeshin edhe në pallatin ngjitur dhe në ambientet e Ambasadës së Vatikanit. Për më shumë se 15 minuta, zjarri vijoi pa ndërhyrjen e zjarrfikësve, ndërsa forcat e Policisë qëndruan në një perimetër më të largët. Ndryshe nga një ditë më parë, uniformat blu kanë ndjekur një strategji më të tërhequr, duke shmangur përplasjet e drejtpërdrejta me protestuesit.
Nga ana tjetër, skenari i protestuesve është i ngjashëm me atë të një ditë më patë. Aktet guerile i janë lënë një grupi protestuesish të maskuar. Përplasja me policinë vijon prej 3 orësh, me protestuesit që i sulmojnë me gurë e molotovë, me kalngjella duke i vendosur në mes të rrugës deri te djegia e koshave të plehrave e reklamave në rrugë. Deri më tani raportohet për 20 të shoqëruar dhe 5 të lënduar, një prej tyre efektiv.
Protesta ishte paralajmëruar për në orën 14:00, por studentët e Mjekësisë dhe të një universiteti privat nisën marshimin që në orët e para të mëngjesit, duke bojkotuar mësimin. Gjatë rrugës, me thirrjet “Bashkohuni me ne”, atyre iu bashkuan studentë të Fakultetit të Shkencave të Natyrës, Politeknikut, Ekonomikut dhe Gjuhëve të Huaja.
Rreth orës 11:30, protestuesit mbërritën para Ministrisë së Arsimit, ku kërkuan dorëheqjen e kryeministrit Rama. Por vetëm pak minuta më vonë nisën sulmet me gurë ndaj godinës dhe policisë. Në orën 12:00, disa protestues arritën të hynin brenda Ministrisë, të tjerë shkulën kangjellat dhe pllakat e vendosura gjatë natës nga bashkia.
Për minuta të tëra, policia shmangu përplasjen, duke qëndruar brenda godinës, ndërsa protestuesit vijuan të qëllonin me gurë. Në rrugë u dogjën kosha mbeturinash e reklama, ndërsa kangjellat u përdorën si barrikada për të penguar ndërhyrjen e efektivëve. Objektiv i sulmeve u bënë edhe gazetarët të citë u sulmuan me gurë.
Rreth orës 12:30, policia nxori autobotët e ujit dhe përdori gaz lotsjellës për shpërndarjen e turmës, por protestuesit u rikthyen vazhdimisht, njësoj si një ditë më parë.
Dhuna arriti kulmin kur një molotov i hedhur drejt Ministrisë së Arsimit i vuri flakën një prej dritareve në një zyrë në katin e parë. Efektivët ndërhynë për shuarjen e flakëve, ndërsa protestuesit vijuan të sulmonin me gurë edhe tre autobotët e vendosur në rrugë. Ndryshe nga dita e parë, policia avancoi më ngadalë, duke shmangur përplasjet e drejtpërdrejta.
Protestuesit shkatërrojnë semaforët, i djegin bashkë me stolat plastikë
Protestuesit kanë shkatërruar dhe u kanë vënë flakën semaforëve që ndodhen në rrugën që të dërgon drejt sheshit ‘Skënderbej.’
Ata kanë krijuar edhe një lloj bllokade me stolat plastikë, mes të cilëve shihen semaforët në flakë.
Protesta e dhunshme, Policia apel për herë të dytë: Distancohuni nga të maskuarit! Për dhunën dhe djegien e pronës rrezikoni deri në 7 vite burg
Policia e Shtetit i bën thirrje për herë të dytë protestuesve që të distancohen nga aktet e dhunës. Reagimi vjen pasi protestuesit të maskuar dogjën dy institucione financiare dhe katin e parë të një zyre te Ministria e Arsimit. Policia thotë se Kodi Penal parashikon dënime deri në 7 vjet burgim për vepra të caktuara që lidhen me dhunën dhe shkatërrimin e pronës me zjarr.
“Nisur nga përshkallëzimi i dhunës ndaj punonjësve të Policisë dhe shkatërrimi me zjarr i pronës publike dhe private, Policia e Shtetit iu bën thirrje të përsëritura dhe të forta të gjithë pjesëmarrësve në tubim, të ruajnë vetëpërmbajtjen dhe qetësinë, si dhe të distancohen menjëherë dhe në mënyrë të qartë, nga personat që kryejnë akte dhune, djegie dhe sulme ndaj punonjësve të Policisë.
Policia e Shtetit kërkon që çdo pjesëmarrës të mos bëhet pjesë, të mos mbështesë dhe të mos lejojë që tubimi të përdoret si mbulesë për akte të dhunshme dhe shkatërruese. Çdo person që ushtron dhunë, djeg apo shkatërron pronën, ose sulmon punonjësit e Policisë, mban përgjegjësi individuale dhe do të përballet me ligjin, në përputhje me veprën e kryer.
Kodi Penal parashikon dënime deri në 7 vjet burgim për vepra të caktuara që lidhen me dhunën dhe shkatërrimin e pronës me zjarr, në varësi të rrethanave dhe pasojave të shkaktuara.
Veprimet e dhunshme dhe shkatërrimi i pronës me zjarr rrezikojnë drejtpërdrejt jetën e qytetarëve, si dhe pronën publike dhe private.
Distancohuni menjëherë nga dhuna, largohuni nga personat që kryejnë akte të dhunshme dhe mos u përfshini në veprime që rrezikojnë jetën e njerëzve! Ruajtja e qetësisë dhe e sigurisë është përgjegjësi e gjithsecilit.
E drejta për të protestuar është e garantuar, por dhuna dhe shkatërrimi nuk janë pjesë e saj. Çdo shkelje e ligjit do të trajtohet me vendosmëri dhe çdo individ do të mbajë përgjegjësi për veprimet e tij”, reagon policia.
Zjarri te ‘Iute Credit’, banorët dalin të shqetësuar nga banesat! Zjarrfikësja mbërrin pas më shumë se 20 minutash
Zjarri në filialin e ‘Iute Credit’ ka shqetësuar banorët e zonës. Një burrë shihet që del në ballkon dhe u thotë diçka protestuesve. Banorët e pallatit ngjitur kanë dalë nga banesat dhe ndodhen jashtë, të shqetësuar.
Zjarrfikësja sapo ka mbërritur, ndërkohë që flakët kanë të paktën mbi 20 minuta që vijojnë.
‘Iute Credit’ në flakë, protestuesit festojnë! Brohorasin dhe bëjnë foto para biznesit të mikrokredive
Djegia e filialit të ‘Iute Credit’ në hyrje të “Rrugës së Durrësit” po festohet nga protestuesit.
Ndërsa biznesi i mikrokredive pas shpinës së tyre shkrumbohet, disa protestues pozojnë duke qeshur dhe shkrepin foto e regjistrojnë video. Një prej tyre madje është mbuluar me flamurin kombëtar, hap duart dhe ngre gishtat e mesit.
Ata brohorasin, duartrokasin dhe thërrasin në kor “Rama, jepe dorëheqjen.”
Veç filialit të institucionit financiar, shihen edhe xhama të thyer në katin e dytë të bizneseve ngjitur.
Organizoi zjarrvënien e Ministrisë së Arsimit? Balla publikon momentin kur Klevis Balliu bisedon me protestuesit e maskuar
Z
jarri te Ministria e Arsimit duket të mos ketë qenë një akt i menduar vetëm nga protestuesit. Në një video të publikuar nga Taulant Balla, shihen Klevis Balliu, me maskë në fytyrë, pranë të cilit ndodhet edhe Luçiano Boçi dhe bisedojnë me disa prej protestuesve të maskuar.
Balliu bën edhe disa gjeste me duar, ndërsa vetëm pak më pas, godina e ministrisë përfshihet në flakë.
E shkatërruan një ditë më parë, protestuesit sot i vënë zjarrin ‘Iute Credit’
Filiali i institucionit financiar ‘Iute Credit’ që ndodhet në hyrje të “Rrugës së Durrësit” është shënjestruar sërish nga protestuesit.
Sot biznesit të mikrokredive i është vendosur flaka. Ditën e djeshme, protestuesit e shkatërruan dhe i morën mobiliet për t’i djegur në rrugë. Një prej tyre shkatërroi edhe bankomatin, madje edhe po gërmonte në të.
Protestuesit hedhin fishekzjarrë drejt autobotit
Protestuesit kanë nisur të hedhin një mori fishekzjarresh drejt autobotit të ujit.
‘Fronte’ lufte para Ministrisë së Arsimit, protestuesit vendosen pas bllokadës dhe gjuajnë me gurë efektivët
“Rruga e Durrësit” është kthyer në një ‘arenë’ lufte mes protestuesve dhe policisë. Protestuesit janë pozicionuar nga ana e Minstrisë së Arsimit, ku kanë vendosur edhe një bllokadë me stola, kangjella e kosha plehrash.
Nga aty, ata po flakin gurë e sende të panumërta drejt policisë. Një pjesë e mirë e protestuesve janë të maskuar dhe me kapuçë.
Policia ndodhet disa metra më larg ministrisë. Në afërsi të bllokadës së protestuesve ndodhet një autobot që hedh herë pas here ujë me presion.
Mes tensioneve te Ministria e Arsimit, drejtori i Policisë Skënder Hita shfaqet pranë efektivëve
Drejtori i Përgjithshëm i Policisë së Shtetit, Skënder Hita, ka zbritur në terren gjatë protestës para Ministrisë së Arsimit, e cila po vijon mes tensioneve.
Hita është parë pranë efektivëve të policisë në zonën përreth ministrisë, ndërsa vijon aksioni i forcave të rendit për zmbrapsjen e protestuesve.
Protestuesit ‘shkundin’ shtyllën elektrike, shkulen kamerat e sigurisë (VIDEO)
Një nga shtyllat elektrike në rrugën që të çon drejt hyrjes së sheshit “Skënderbej” është shënjestruar nga protestuesit.
Ata po e lëkundin fort me qëllimin për të shkatërruar kamerat në të, të cilat shihen tashmë të shkulura.
‘Armë’ e re në protestë, i riu me maskë gjuan me llastik
Një ‘armë’ e re po përdoret nga protestuesit te Ministria e Arsimit. Një prej tyre, i maskuar me kapuç e maskë, nuk është mjaftuar vetëm me hedhjen e gurëve, por po përdor llastik për t’i gjuajtur.
Pamjet tregojnë si ai zgjedh një gur, më pas merr pozicion, shënjon e më pas qëllon.
Protesta e dhunshme para Ministrisë së Arsimit, policia shoqëron edhe 2 protestues të tjerë
Policia ka shoqëruar edhe dy protestues të shoqëruar, pas agravimit të protestës.
Protestuesit i vunë flakën një banke të nivelit të dytë. Një zyrë të Ministrisë gjithashtu iu vendos flaka.
Protestuesit formojnë bllokadë me stola, kangjella e kosha, policia hedh ujë
Protestuesit po marrin stolat për t’i vendosur pranë kordonit të sigurisë së policisë, për të formuar një bllokadë.
Ata po përdorin edhe kangjellat apo koshat e mbeturinave, ndërsa në ajër vijojnë të fluturojnë gurë. Policia po kundërpërgjigjet me hedhjen e ujit.
Protesta te Ministria e Arsimit, protestuesit i vënë zjarrin një banke, dëmtohet edhe një biznes tjetër (VIDEO)
Trazirat e shkaktuara nga protestuesit përpara Ministrisë së Arsimit kanë përfshirë edhe një bankë të nivelit të dytë, së cilës ata i kanë vënë zjarrin.
Xhamat e bankës janë të thyer, por është dëmtuar edhe një biznes ngjitur. Ndërkohë policia ka ndërhyrë me fikëse zjarri.
Kujtojmë që në protestën e një dite më parë, ata dogjën edhe filialin e një institucioni financiar në hyrje të “Rrugës së Durrësit.”
Protestuesit molotovë në drejtim të Ministrisë së Arsimit, merr flakë një zyrë në katin e parë të godinës
Protestuesit molotovë në drejtim të Ministrisë së Arsimit, merr flakë një zyrë në katin e parë të godinës.
Protesta e dhunshme para Ministrisë së Arsimit, 9 të shoqëruar
Nëntë të shoqëruar janë deri tani në polici pas sulmeve me gurë te Ministria e Arsimit.
Protestues të maskuar kanë shkulur ndriçuesit e rrugëve, hoqën pllakat e trotuareve.
Po ashtu ata kanë djegur edhe tabelë reklamash dhe kosha plehrash.
Momenti kur protestuesit e maskuar sulmojnë me shqelma bankën në Rrugën e Durrësit, i thyejnë xhamat
Prej orës 12:00 po vijojnë përleshjet mes protestuesve dhe forcave të policisë. Aktet e dhunës u shtrinë sërish edhe te bizneset private. Një bankë e nivelit të dytë është sulmuar nga protestuesit, duke thyer edhe xhamat.
Protesta para Ministrisë së Arsimit ka agravuar.
Protestuesit e maskuar kanë shkulur ndriçuesit e rrugëve.
Ndërkohë policia ka hedhur gaz lotsjellës dhe ujë për shpërndarjen e tyre.
‘Deputetë të krimit’, protestuesit rrethojnë Palokën: Rama në burg, Berisha në burg! E përzënë duke i hedhur ujë e shishe: Ik, Ik
Protestuesit janë përplasur me demokratët. Në pamje shihet se si ata kanë rrethuar deputetin e PD, Edi Paloka, ndërsa aty është edhe Arjana Kalaja. Ata kundërshtojnë praninë e demokratëve, duke i thënë të largohen nga protestat.
Protestuesit thirrje “Rama në burg, Berisha në Burg”, “deputetët e krimit”.
Edi Paloka: Kam një jetë që protestoj.
Protestuesja: Nuk je për popullin, je për opozitën.
Protestuesit hiodhën dhe ujë dhe shishe në drejtim të deputetit.
Policia ka shoqëruar disa protesues.
Protestues të tjerë janë shprehur rë revoltuar, ndërsa blutë i kanë futur në makinë.
“Mos i prekni çunat. Mos i prekni studentët ore. Pse nuk dilni pa uniformë”, dëgjohen të thonë ata.
Maska dhe dorashka po shpërndahen mes protestuesve. Ky është momenti kur një grup protestuesish me qese të kuqe ndajnë maska dhe doreza të grupi i qytetarëve.
Protesta e dhunshme në Tiranë, protestuesi merr dëmtime te pjesa ballit! Spahia e ndihmon (VIDEO)
Një protestues ka mbetur i dëmtuar te pjesa e ballit.
Pas incidentit, protestuesi është ndihmuar nga deputeti i PD, Bardh Spahia.
Tensione në protestë, thirrje edhe kundër opozitës! Protestuesi: PD, PD, këlysha komunistësh!
Moment tensioni në protestë. Protestuesit lëshuan thirrje kundër PD.
“PD, PD, këlysha komunistësh”, tha protestuesi
