15-vjeçari Erion Boba, nxënës i shkollës “Dom Nikoll Kaçorri” në ish-kënetë të Durrësit do të përcillet nesër në banesën e fundit në qytetin e tij të lindjes, Bulqizë. Ai mbeti i plagosur me thikë në zemër nga një 14-vjeçar, 9 ditë më parë por nuk arriti tu mbijetojë plagëve. Ngjarja ka tronditur banorët e zonës së ish-Kënetës, ku ishte vendosur prej 3 vitesh familja Boba, të cilët kërkojnë kontrolle më të rrepta ndaj nxënësve si nga mësuesit ashtu dhe nga prindërit.
“Na ka tronditur të gjithëve. Fëmijët duhen kontrolluar çdo mëngjes. Nuk e dimë çfarë mbajnë me vete,” tha një banore e zonës. Ajo tregoi se e njihte viktimën dhe e përshkroi si djalë të sjellshëm, ndonëse shtoi se “ai më ka rrahur nipin”, duke nënvizuar tensionet mes të rinjve në lagje.
Edhe pronarja e banesës ku jetonte me qira familja Boba tha se Erioni ishte “djalë i urtë dhe i sjellshëm”, ndërsa shokët e tij e përshkruajnë si “shembullor”.
“Më ka ardhur shumë keq, ishte djalë shembullor”.
Ndryshe nga policia, i ati, Adem Boba ka thënë se i biri nuk ka pasur asnjë konflikt personal me autorin. Sipas tij, Erioni punonte pas shkolle dhe ditën e ngjarjes ishte nisur për në punë, kur disa shokë i kërkuan t’i shoqëronte për t’u sqaruar me një grup tjetër me të cilin ata kishin debat. Sipas babait, ai ndërhyri për ti ndarë por o godit befasisht me thikë. I ati i viktimës kërkon “dënimin maksimal për autorin”.
“Do të tregoj aq sa di. Djali ka qenë duke shkuar për në punë i kanë dalë disa shokë dhe i kanë thënë, na dërgo pak se kemi një muhabet për të sqaruar me disa të tjerë. Dhe aty ka nisur konflikti. Ndër këta djali im ka mbetur i dëmtuar. Djali as nuk i ka njohur çunat. Nuk ka pasur lidhje me ngjarjen, por i ka çuar atje. I ka dërguar që të sqarohen dhe të ikte në punë të vet. Më ka ardhur e papritur, vetëm kur më kanë thënë se çuni është shumë sëmurë. Djali në 12 ka qenë në shkollë. Nuk ka pasur asnjë konflikt. E kam marrë vesh nga një shok i djalit pasi ka ndodhur ngjarja. Kjo mua më ka ardhur bombë komplet. Ai ka ndërhyrë për ti ndarë dhe ka marrë thikën”, thotë babai.
Ndërsa burime nga policia thanë se sherri ka nisur nga ofendime të vazhdueshme në shkollë dhe komenteve në rrjetet sociale mes viktimës dhe autorit. Burimet tregojnë se viktima e kishte telefonuar autorin për t’i kërkuar sqarime për sharjet e vazhdueshme në shkollë por dhe komentet në rrjetet sociale. Takimi degjeneroi shpejt në konflikt fizik, pasi 14-vjecari kishte shkuar me thikë në brez. Të pranishëm kanë qenë dhe adoleshentë të tjerë. 14-vjecari u prangos pas krimit, ndërsa më 27 nëntor Gjykata e Durrësit caktoi ndaj tij masën arrest me burg.
Spitali Rajonal Durrës përgënjeshtron lajmin: Nuk ikën dritat gjatë operimit të 15-vjeçarit që u plagos me thikë
Spitali Rajonal i Durrësit ka përgënjeshtruar lajmin e qarkulluar sot në disa media se gjatë një nderhyrje kirurgjikale te i riu Erjon Boba që u plagos me thikë nga një bashkëmoshatar, kanë ikur dritat në sallën e operimit.
Teksa shpreh ngushëllime për familjarët e të miturit që ndërroi jetë ditën e djeshme, Spitali Rajonal i Durrësit sqaron se në rast se energjia elektrike e spitalit shkëputet, në sallat e operimit sistemi i gjeneratorit aktivizohet automatikisht dhe pajisjet jetike kanë bateri të brendshme rezervë, që sigurojnë vazhdimësi të plotë.
Reagimi i plotë i Spitalit Rajonal Durrës:
Duke shprehur ngushëllimet më të sinqerta për familjen e të miturit E.B, i cili humbi jetën informojmë opinionin publik se pacienti është paraqitur në gjendje jashtëzakonisht të rëndë, në shok traumatik–hemorragjik.
Ekipet mjekësore kanë ndërhyrë menjëherë me procedura emergjente të specializuara, duke arritur stabilizimin fillestar dhe trajtimin intensiv pasues. Komplikacionet e zhvilluara janë pasojë e gjendjes kritike dhe arrestit kardiak traumatik.
Në vijim të publikimeve mediatike mbi pretendimin se gjatë ndërhyrjes kirurgjikale në Spitalin Rajonal Durrës “kanë ikur dritat”, sqarojmë opinionin publik si më poshtë:
Pas verifikimeve të kryera me ekipet e sallës së operacionit, anestezistët dhe stafin e reanimacionit, nuk është konstatuar asnjë ndërprerje energjie gjatë operacionit të pacientit në fjalë.
Sistemi i gjeneratorit aktivizohet automatikisht dhe pajisjet jetike kanë bateri të brendshme rezervë, që sigurojnë vazhdimësi të plotë edhe në rast të luhatjeve të mundshme.
Gjithashtu, ashensorët e spitalit janë funksionalë dhe të mbuluar me kontratë aktive mirëmbajtjeje, me mekanizma ndërhyrjeje të menjëhershme në rast defektesh.
Spitali Rajonal Durrës është i angazhuar për garantimin e kujdesit shëndetësor dhe bashkëpunon plotësisht me institucionet kompetente për sqarimin e ngjarjes.
Nxënësit e shkollës ‘Asllan Keta’ vendosin lule në bankën e 15-vjeçarit që u vra me thikë
Erjon Boba kishte vijuar mësimet deri në klasën e gjashtë në këtë shkollë. Në shenjë respekti dhe zie, drejtoria, mësuesit dhe bashkëmoshatarët e tij vendosën lule në vendin ku ai ka qëndruar gjatë viteve të shkollimit.
Sipas mësuesve dhe shokëve të klasës, ai ishte një nxënës i sjellshëm dhe shumë i mirë. “Kur morëm lajmin, nuk na besohej. Ishte një fëmijë i qetë dhe i dashur,” u shprehën ata me dhimbje.
15-vjeçari u vra me thikë nga bashkëmoshatari, shokët e klasës: Përse na ike more Erion? Klasa është bosh pa ty
‘Përse na ike more Erion? Përse na ike more shok. Si na e thave zemrën kështu? Si na shkatërrove krejt
Klasa bosh, nuk do të jetë më e njëjtë pa ty. Ishe dhe do të mbetesh gjithmonë ai shoku çapkën dhe gazmor që e donim të gjthë
Përjetësisht në zemrat tona! I pa harruar qoftë kujtimi yt!
I mituri u plagos me thikënë pjesën e gjoksit, pranë zemrës, rreth orës 14:00 të 25 nëntorit, vetëm 20 minuta në këmbë nga shkolla “Dom Nikollë Kaçorri”, ku mësonin të dy nxënësit e përfshirë në konflikt.
Sherri nisi nga një koment në rrjetet sociale dhe ofendimeve të vazhdueshme në shkollë, të cilat më pas degraduan në plagosje me thikë. Dyshohet se 15-vjeçari Erjon Boba e kishte marrë në telefon autorin 14-vjeçar për të kërkuar sqarime, pasi kishte dëgjuar se ai e shante vazhdimisht në shkollë.
Durrës/ 15-vjeçari ndërroi jetë pasi u godit me thikë nga bashkëmoshatari, qytetarja: Fëmijët duhet t’i kontrollojmë, nga inati çfarë nuk iu thotë mendja
Ndër të tjera qytetarja shprehet se ata janë fëmijë dhe nga inati e sipër kushedi çfarë bluajnë në mendje.
“Atë djalin e pata njohur. Na ka tronditur, djali 15-vjeç, por çfarë t’u bësh fëmijëve. Prindërit nuk e dijnë se ç’bëjnë fëmijët në shkollë. Gabimi jonë është se në mëngjes kur del fëmija ne duhet t’i kontrollojnë ka thikë apo jo, edhe shkolla duhet t’i bëjnë një kontroll.
Këta janë fëmijë edhe zihen, nga inati e sipër kushedi çfarë nuk iu pret mendja. Ata ndoshta edhe i fshehin thikat, jashtë shkolle”, tha një banore e zonës, teksa shtoi se ‘ky djali që është vrarë më ka rrahur nipin.
I mituri Erjon Boba u transportua dy ditë më parë në Qendrën Spitalore Universitare Nënë Tereza për ndihmë më të specializuar, por fatkeqësishtnuk mundi të mbijetonte. Më 27 nëntor Gjykata e Durrësit konfirmoi masën e arrestit me burg për autorin 14-vjeçar.
