9
Ukraina është gati të nominojë Presidentin e SHBA-së Donald Trump për Çmimin Nobel për Paqen nëse ai arrin një armëpushim me Rusinë, tha Presidenti Volodymyr Zelensky në një deklaratë për gazetarët.
Trump, shkruan Kyiv Independent, është zotuar të ndërmjetësojë një marrëveshje të shpejtë paqeje midis Kievit dhe Moskës dhe t’i japë fund pushtimit në shkallë të plotë të Rusisë.
Por “kjo përpjekje është bllokuar kryesisht pasi Rusia vazhdon të refuzojë një armëpushim dhe të kërkojë lëshime territoriale nga Ukraina”.
Sa i përket Çmimit Nobel për Paqen të këtij viti, Komiteti i Oslos është planifikuar të shpallë fituesin nesër, më 10 tetor.
