“Tërhiqni pajisjet ushtarake në kufi”/ Zelensky ultimatum Lukashenkos: Keni një javë kohë, përndryshe do të veprojmë vetë!

Presidenti i Ukrainës, Volodymyr Zelensky, ka lëshuar një paralajmërim të fortë ndaj udhëheqësit të Bjellorusisë, Alexander Lukashenko, duke kërkuar tërheqjen e pajisjeve ushtarake pranë kufirit me Ukrainën.

Në deklaratën e tij, Zelensky u shpreh se nuk ndihet i fyer nga komentet e Lukashenkos, por theksoi se shqetësimi kryesor mbetet prania e pajisjeve që, sipas tij, përdoren për të drejtuar zjarrin ndaj territorit ukrainas.

“Nuk jam i ofenduar nga fjalët e Lukashenkos, por përgjatë kufijve me Ukrainën ka pajisje që rregullojnë zjarrin ndaj Ukrainës. Po jap një javë që ato të tërhiqen, përndryshe do ta bëjmë vetë”, deklaroi presidenti ukrainas.