Ministri i Punëve të Brendshme, Ervin Hoxha, u takua me ambasadorët e Japonisë dhe të Holandës, me të cilat bisedoi rreth “bashkëpunimit dypalësh dhe marrëdhenieve shumë të mira e tradicionalisht miqësore ndërmjet vendeve tona”. Takimet u fokusuan në shkëmbimet e projektet e përbashkëta, me qëllim ngritjen e kapaciteteve për strukturat e varësisë së Ministrisë, dhe angazhimet në përballjen e kërcënimeve të sigurisë.
Ja njoftimin e Ministrit të Punëve të Brendshme, Ervin Hoxha:
“Pata kënaqësinë të pres në takime të ndara ambasadorët e Japonisë dhe të Holandës, me të cilët bisedova rreth bashkëpunimit dypalësh dhe marrëdhënieve shumë të mira e tradicionalisht miqësore ndërmjet vendeve tona.
Me Ambasadorin e Holandës, Reinout Vos ndamë vlerësimin mbi trendin pozitiv të marrëdhënieve politike dhe shprehëm gatishmërinë për të vijuar dhe përforcuar shkëmbimet dypalëshe. Në takim rikonfirmuam angazhimin operacional proaktiv në përballje me kërcënimet e sigurisë 
🤝
Me Ambasadoren e Japonisë, Kikuko Kato diskutuam mbi mbështetjen e dhënë për projekte të ndryshme, që janë nën juridiksionin e Ministrisë së Brendshme, si kontribute të rëndësishme për ngritjen e kapaciteteve për strukturat e varësisë 🤝
“
