49
Një nga kërkesat kryesore të artikuluara prej opozitës, ajo për zgjedhjet e 2025 me qeveri teknike, rrëzohet nga mazhoranca.
Sekretari i Përgjithshëm i PS, Blendi Klosi e deklaroi prerazi nga Shkodra pas mbledhjes së Asamblesë Socialiste, se në zgjedhje shkohet me këtë qeveri dhe kryeministër Edi Ramën. Ai foli për përgatitjet që po bëjnë socialistët për vitin e ardhshëm, ku synojnë një tjetër fitore të thellë përballë kundërshtarit, për të vijuar reformat dhe objektivin për anetarësimin në BE brenda 2030.
Klosi vuri theksin tek roli që do të ketë vota e diasporës, një prej risive të zgjedhjeve të vitit 2025.
