EVN ka sanuar problemin me energjinë elektrike në Shuto Orizare, pasi banorët atje përballeshin prej ditësh me mungesë të energjisë elektrike.
Mirëpo, zgjidhja që EVN gjeti për banorët atje duket se ka qenë afatshkurte, sepse sot përsëri ka ndërprerë energjinë elektrike dhe banorët janë sërish në terr.
Ilaz Leskovica nga BDI-Shuto Orizare ka reaguar duke thënë se EVN duhet të mbajë përgjegjësi për këto veprime, në të kundërtën do të reagojnë ndryshe.
Reagimi i plotë:
“Duhet të jesh shumë i papërgjegjshëm, ashtu siç është EVN, për ta ndërprerë rrymën në ditën e parë të Ramazanit për banorët e Shuto Orizares. Nëse nuk merren masa urgjente për ta rikthyer furnizimin me energji, të jeni të bindur se do të përballeni me pasoja serioze, si ju ashtu edhe të tjerët përgjegjës. Turp të keni!”
