Përbërësit:
6-8 speca të kuq ose jeshilë
3-4 lugë gjelle vaj ulliri
250 ml pana kuzhine
200 gr kos i trashë
2-3 thelpinj hudhër
Kripë, piper i zi
Kopër ose majdanoz
Pak djathë kaçkavall /djathë të bardhë
Përgatitja:
Lajmë specat, i thajmë mirë dhe i vendosim në furrë në 200 °C për rreth 25 minuta derisa lëkura të nxihet pak dhe tulin ta kenë të butë. Pasi të piqen i vendosim në një qese ose i mbulojmë me një kapak për 10 minuta që të zbutet lëkura dhe pastaj e largojmë me kujdes. Në një tigan ngrohim vajin, shtojimë hudhrën dhe e kaurdisim për 1 minutë derisa të marrë aromë. Shtojmë panën dhe e lëmë të vlojë lehtë për 3-4 minuta derisa të trashet pak. E heqim nga zjarri dhe, pasi të ftohet pak e përziejmë me kosin. Rregullojmë shijen me kripë dhe piper. Vendosim specat e pjekur në një tavë të vogël. Hedhim sipër salcën me pana dhe kos, nëse dëshirojmë shtojmë dhe pak djathë të grirë. E vendosim tavën në furrë në 180 °C për 10-12 minuta sa të lidhen shijet. E servirim të ngrohtë spërkatur me kopër ose majdanoz të freskët.
