Kryeministri Edi Rama, teksa po merr pjesë në Samitin e Komunitetit Politik Evropian në Kopenhagen, tha se Shqipëria po vrapon shumë shpejt drejt BE-së, duke iu referuar ecurisë së negociatave. Kreu i qeverisë, duke iu përgjigjur interesit të qytetarëve, theksoi se i takon edhe BE-së që ta marrë Shqipërinë pranë saj.
“Nuk po presim, ne po vrapojmë shumë shpejt dhe do të jemi gati shumë shpejt. Dje iu takon të mëdhenjve në sallë që të mos presin më por të na përqafojnë dhe të na mirëpresin sepse do të jemi vlerë shumë e madhe e shtuar në BE”, tha Rama.
Ai foli gjithashtu edhe për Diellën, ministren e Shtetit për Inteligjencës Artificiale, teksa tha se janë përballur me kritika, por sipas tij, kjo është një gjë e mirë. Rama përmendi se Diella ka ndërvepruar si asistente virtuale dhe se ka ofruar deri në 1 milion shërbime për qytetarët shqiptarë, dhe sipas tij, s’kanë pasur problem deri më tani.
“Kjo është diçka e re dhe si çdo risi i duhet të përballet me kritika, gjë që është gjë e mirë. Por kemi prova deri më tani se funksionon shkëlqyer. Nisi si një asistente virtuale për shërbimet publike për qytetarët dhe ka ndërvepruar me afro 1 milion persona, pra për 1 milion ndërveprime dhe shërbime dhe ka lëshuar 36 mijë dokumente deri më tani me vulën dixhitale, me të cilat nuk ka pasur probleme askush. Së dyti, po punon për transpozimin e legjislacionit evropian me tonin në kuadër të bisedimeve të anëtarësimit me BE. Së treti, po përparon për të punuar me tenderat publikë që është ende në vazhdim. Kritikat janë të mira, por ajo është më e mirë.”, u shpreh kryeministri.
Sa i përket sulmeve kibernetike të Iranit, Rama theksoi se vendi unë vazhdon të jetë ende objektiv. Por, siç shtoi kreu i qeverisë, kanë arritur që t’i sprapsin këto sulme pa cenuar sigurinë.
“Kemi qenë në shënjestër sulmi kibernetik, sot kemi një nga mbrojtjet kibernetike më të forta në Evropë. Sot ne vazhdojmë të jemi objekt sulmesh i këtyre sulmeve të Iranit dhe jemi duke luftuar që të mos lejojmë shkelje të sigurisë tonë. BE ka shumë mësime që mund të marrë nga Shqipëria. Për të vepruar si një e tërë, dhe për të arritur një konvergjencë të gjithçkaje që ka të bërë me sigurinë e sigurimit, që në fakt nuk është rasti deri tani. Ka shumë ecejake por ajo që është më e rëndësishme është që jo vetëm të përforcohet aspekti ushtarak por të jetë një plan paqeje evropian.”, theksoi Rama.
Lufta në Ukrainë mori vëmendje kryesore të liderëve në mbledhjen e Komunitetit Politik Evropian në Kopenhagen.
Samiti i Komunitetit Politik Evropian, Rama pozon krah liderëve të BE, e pranishme edhe Osmani
Kryeministri Edi Rama mori pjesë në samitin e 7-të të Komunitetit Politik Evropian. Kryeministri Rama pozoi në foton familjare krah liderëve të BE, ndërsa e pranishme është edhe presidentja e Kosovës, Vjosa Osmani.
Samiti i Komunitetit Politik Europian, Spiropali takohet me Zelenskyn: Në fokus përkrahja për Ukrainën
Ministrja për Europën dhe Punët e Jashtme, Elisa Spiropali, është sot pjesë e delegacionit shqiptar pjesëmarrës në samitin e Komunitetit Politik Europian me në krye kryeministrin Edi Rama.
Në fokus të këtij samiti është forcimi i përkrahjes ndaj Ukrainës, situata e sigurisë në Evropë dhe mënyrat për të përmirësuar stabilitetin dhe sigurinë e kontinentit në një kontekst gjeopolitik sfidues.
Spiropali është takuar gjithashtu me presidentin e Ukrainës, Volodymyr Zelensky si dhe me përfaqësues të tjerë të BE-së apo të shteteve europiane.
“Pas mikpritjes shembullore të Shqipërisë të Komunitetit Politik Europian #EPC në Maj, sot në Kopenhagë në Samitin e radhës mbi sfidat më të mëdha që prekin Europën dhe rajonin tonë. Në fokus kryesor: siguria, migracioni, bashkëpunimi ekonomik, integrimi dhe përkrahja për Ukrainën”, shprehet Spiropali.
Në kohën kur Elisa Spiropali mbante postin e Kryetares së Kuvendit të Shqipërisë, u dekorua nga presidenti Volodymyr Zelensky gjatë një vizite në Ukrainë, me Çmimin e Lartë Shtetëror “Urdhëri i Princeshës Ollga, i Klasit të Parë”, në kuadër të 34-vjetorit të Pavarësisë së Ukrainës.
K.B/Shqiptarja.com
Share
