Presidenti francez Emmanuel Macron ka refuzuar dorëheqjen e ministrit të Brendshëm, Laurent Nuñez, pas një fundjave të përfshirë nga protestat e dhunshme në disa qytete të Francës, mes tyre Parisi, Lioni dhe Marseja.
Sipas Pallatit Élysée, Macron e mori këtë vendim për shkak të “nevojës për vazhdimësinë e drejtimit të forcave të rendit”, në një kohë kur ministri është vënë nën presion pas përshkallëzimit të situatës.
Të shtunën, qindra mijëra persona dolën në protesta kundër rritjes së kostos së jetesës dhe përkeqësimit të standardeve në arsim.
Tubimet u shoqëruan me episode dhune, plaçkitje dhe zjarrvënie.
Disa ndërtesa publike u vunë në shënjestër të protestuesve.
Në Marsejë, një grup hyri për pak kohë në bashkinë e qytetit, ndërsa zyra e turizmit në Lion dhe bashkia e Limoges u përfshinë nga zjarri.
Protesta të dhunshme pati edhe në vende të tjera të Evropës, përfshirë Italinë dhe Shqipërinë.
