Sot shqyrtohen në Komision aplikacionet për anëtarë të KGJK-së

Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit do të mblidhet sot, për të diskutuar disa pika me rëndësi.

Pasi të miratohet rendi i ditës, në këtë Komision do të shqyrtohen aplikacionet për anëtarë të Këshillit Gjyqësor të Kosovës, raporton IndeksOnline.

Më pas, anëtarët e Komisionit do të njoftohen me raportin vjetor të punës së Komisionit Qeveritar për Njohjen e Statusit të ish të Burgosurve, të Dënuarve, të Përndjekurve Politikë dhe Komisionit të Ankesave.