Kryeministri i Shqipërisë, Edi Rama, ka thënë se sot në mëngjes dikush ia ka dërguar një letër lidhur me Driton Goxhajn, i cili ka marrë edhe rol organizatori në protestën që po mbahet në Tiranë. Rama thotë se personi që ia ka nisur letrën ka disa të vrarë në familje dhe në mesazh ka kontestuar veprimtarinë e Goxhajt në UÇK.
Dritan Goxhaj, i cili dje para protestuesve në Tiranë u prezantuar se ish-ushtar i UÇK-së, është përgënjeshtruar keq.
Sot është publikuar dokumenti që tregon se ai kurrë nuk ka qenë në UÇK.
Madje, dokumenti zyrtar tregon se ai kishte refuzuar t`i bashkohet UÇK-së në vitin 199.
Dokumenti i nënshkruar nga Komandant “Plaku” tregon edhe fjalët që Goxhaj kishte thënë kur kishte refuzuar t`i bashkohet UÇK-së.
“Më datë 14 Prill, 1999 në qendrën stërvitore të UÇK-ës në Helshan, erdhën si vullnetar në luftë për çlirimin e Kosovës katër oficera të Ushtrisë Shqiptare dhe konkretisht [pjesë e mbuluar]. I solli me një kerr Dritan Goxhaj. [Pjesë e mbuluar] Kur Dritan Goxhaj u largua për në Tiranë, shokët e tij që erdhën vullnetar, i thanë: “Po ti nuk do të qëndrosh me ne, në luftë për çlirimin e Kosovës?” Djali i Dilaverit me një mendjemadhësi të tepruar u përgjigj: “Nuk më ka marrë koka erë, si im atë, të vij në luftë në Kosovë”. Vullnetarët e ardhur nga perëndimi, u indinjuan nga përgjigjja që ai dha, por nuk patën mundësi të reagonin, sepse Dritan Goxhaj ndezi kerrin dhe u largua menjëherë, nga qendra stërvitore në drejtim të Tiranës”, thuhet në dokument.
Dokumenti është publikua edhe nga kryeministri, Edi Rama.
“Po mos bre mos ja kajni nanën krejt, çfarë komandant i leshit more”… Këto ishin fjalët e një burri me disa të vrarë në familje, që më çoi dokumentin bashkëngjitur sot në sabah! Ndërsa këto janë fjalët e mia: Ej, trima, jo për një manipulator gjysëm taleban e gjysëm mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së”, ka shkruar Rama në profilin e tij në Facebook.
Në protestën e djeshme në Tiranë, Dritan Goxhaj, u prezantuar si zëdhënës i protestës.
Para protestuesve, ai lexoi deklaratën me pika, ku qytetarët, mes të tjerave, i kërkojnë Ramës edhe dorëheqjen pa kushte.
Ish-përfaqësuesi politik i UÇK-së, Bardhyl Mahmuti, ka reaguar pas shfaqjes së zëdhënësit të protestuesve, Dritan Goxhajt, i cili nga mediat u cilësua si ish-ushtar i UÇK-së.
Mahmuti ka publikuar edhe një dokument zyrtar nga koha e luftës, ku konfirmohet se Goxhaj nuk kishte dashur t’i bashkohej radhëve të UÇK-së.
“Sa i përket kushteve të pjesëmarrjes së babait të Dritanit (Dilaver Goxhajt) në luftën çlirimtare të Kosovës dhe parave që ka marrë, lexuesi mund të njihet pjesërisht nga shkrimet e publikuara para dy vjetësh. Janë pikërisht lloji i këtyre matrapazëve mercenarë që abuzojnë me logon e UÇK-së në protestat e Tiranës. Logoja e UÇK–së është simboli historik që mishëron përpjekjet më sublime të popullit shqiptar për çlirimin e territoreve të pushtuara nga Serbia dhe Maqedonia. Ky simbol nuk e ka vendin as në protesta kundër e as në manifestime pro pushtetarëve në Tiranë. Ftoj të gjitha organizatat e dala nga tri luftërat çlirimtare që të distancohen nga keqpërdorimi i simbolit të UÇK-së”.
