Leipzig – Stuttgart Leipzig do të presë Stuttgartin për ndeshjen e tyre të fundit në Bundesliga këtë të shtunë. Kjo ndeshje i gjen vendasit në vendin e shtatë, katër pikë përpara Stuttgart-it. Leipzig synon një vend në Europë, por për momentin kjo nuk është në dorën e tyre. Ata duhet të fitojnë dhe të shpresojnë që Mainz të humbasë. Ka qenë një sezon i vështirë për “Die Roten Bullen”, si në Europë, ashtu edhe në kampionat. Për herë të parë që nga ngjitja e tyre në Bundesliga, ata duken të destinuar të humbasin kualifikimin për Europë. Ata vijnë pas katër ndeshjesh pa fitore në ligë, ku e fundit ishte një barazim 0-0. Forma e fundit e Leipzig dhe bilanci i tyre kundër Stuttgart nuk janë shumë inkurajuese, edhe pse ata po luftojnë për një vend në Europë. Vendasit kanë pësuar humbje radhazi në tri përballjet e fundit me Stuttgart, më e fundit në Kupën e Gjermanisë. Pikërisht ajo garë është ajo që mban gjallë shpresat e Stuttgartit për pjesëmarrje në Europë.
PARASHIKIMI: Shënojnë të dyja skuadrat dhe shënohen mbi 2.5 gola 47%
Freiburg – Eintracht Frankfurt Freiburg do të presë Eintracht Frankfurt në një ndeshje shumë të rëndësishme për ambiciet e të dyja skuadrave drejt Ligës së Kampioneve. Ndeshja i gjen Freiburgun në vendin e katërt dhe Frankfurtin në të tretin, me vetëm dy pikë diferencë. Freiburg ka treguar rikuperim të plotë pas një serie prej pesë ndeshjesh pa fitore. Aktualisht janë në një seri prej pesë ndeshjesh pa humbje, ku kanë grumbulluar 13 nga 15 pikët e mundshme. Holstein Kiel, megjithëse në luftë për mbijetesë, krijoi probleme në ndeshjen e fundit, por Freiburg arriti të përmbysë dhe fitojë 2-1. Vendasit do të duan ta mbyllin sezonin në shtëpi me stil, duke u dhënë tifozëve edhe një fitore të fundit. Hera e fundit që Frankfurt u përball me Freiburg, Omar Marmoush ishte në ndeshjen e tij të fundit me Eintracht. Ai pati një rol të madh në atë përmbysje dhe fitore 4- 1. Tani, skuadra do të duhet ta bëjë pa lojtarin që tashmë është transferuar te Manchester City.
PARASHIKIMI: Barazim 38%
Mainz – Bayer Leverkusen Mainz do të përfundojë kalendarin e tyre në Bundesliga me një ndeshje në shtëpi kundër ish-kampionëve Bayer Leverkusen. Në hyrje të javës së fundit, Leverkusen e ka të sigurt vendin e dytë, ndërsa Mainz ndodhet në vendin e gjashtë. Mainz po synon Europën, dhe një fitore në këtë ndeshje do ta sigurojë atë. Vendi i pestë mund të jetë i paarritshëm, kryesisht për shkak të diferencës së golave, pasi Borussia Dortmund ka një epërsi të madhe në këtë aspekt. Fitorja 4-1 ndaj Bochum në ndeshjen e fundit ishte e para pas tetë ndeshjesh pa fitore për Mainz.
PARASHIKIMI: Fiton Leverkusen dhe shënojnë të dyja skuadrat 42%
SERIE A
Genoa – Atalanta Genoa dhe Atalanta do të përballen të shtunën në javën parafundit të sezonit të Serie A, në një ndeshje ku nuk ka shumë në lojë për asnjërën skuadër. Kjo përballje mes “Grifoneve”, që ndodhen në vendin e 13-të, dhe “La Deas”, në vendin e tretë, do të zhvillohet në “Stadio Luigi Ferraris” dhe parashikimi është për një fitore të skuadrës mike. Me 40 pikë, Genoa e ka të sigurt që do të mbyllë sezonin jo më poshtë se vendi i 13-të dhe jo më lart se vendi i 11-të. Ndërkohë, Atalanta me 71 pikë e ka siguruar përfundimisht vendin e tretë dhe kualifikimin për në Ligën e Kampioneve sezonin e ardhshëm. Genoa arriti një barazim 2-2 në fushën e Napolit fundjavën e kaluar, duke ndërprerë një seri prej tre humbjesh radhazi. Megjithatë, janë pesë ndeshje pa fitore në Serie A (2 barazime, 3 humbje), dhe nuk kanë shënuar në tri prej tyre. Skuadra mike vjen nga një fitore 2-1 ndaj Romës, që ishte e katërta në pesë ndeshjet e fundit në kampionat. “La Dea” po e mbyll sezonin në mënyrë shumë pozitive, pavarësisht se pozicioni i tyre nuk ndryshon më.
