Cërrik/ 65-vjeçari dyshohet se është mbytur aksidentalisht në një kanal vaditës në fshatin Shtërmen

Një ngjarje tragjike është shënuar këtë të hënë në fshatin Shtërmen të bashkisë Cërrik, ku një shtetas rreth 65 vjeç ka humbur jetën, dyshohet aksidentalisht, pasi është mbytur në një kanal vaditës.

Burime paraprake nga policia bëjnë me dije se viktima është shtetasi G. B., ndërsa trupi i pajetë është dërguar për kryerjen e ekspertizës mjeko-ligjore, me qëllim përcaktimin e saktë të shkakut të vdekjes.

Ndërkohë, në vendngjarje ka mbërritur grupi hetimor, i cili po punon për të zbardhur rrethanat e plota të rastit.