10
Drejtori i Agjencisë së Kosovës për Inteligjencë (AKI), Petrit Ajeti, pritet të raportojë sot para Komisionit për Mbikëqyrjen e AKI-së. Mbledhja e komisionit është caktuar të nisë në orën 10:00.
Ndërkohë, Komisioni për të Drejtat e Njeriut, Barazi Gjinore dhe Peticione do të takohet me drejtoreshën ekzekutive të Agjencisë për Barazi Gjinore, Edi Gusia.
Në orën 11:00, Komisioni për Buxhet do të shqyrtojë raportin vjetor financiar të Agjencisë Kosovare të Privatizimit për vitin 2025.
Kurse në orën 13:00, Komisioni për Ekonomi, Industri, Ndërmarrësi, Tregti dhe Inovacion do të trajtojë Projektligjin nr. 11/L-003 për energjinë dhe Projektligjin nr. 11/L-004 për energjinë elektrike.
