Tension në prag të ndeshjes hapëse të Botërorit: mijëra protestues marshojnë drejt stadiumit “Azteca” në Meksikë

Protestat kanë përfshirë Meksikën pak para ndeshjes hapëse të Botërorit, duke rritur tensionin mes tifozëve dhe autoriteteve.

Sindikata e mësuesve ka organizuar një protestë për pagat e ulëta, duke përfituar nga vëmendja e madhe që sjell Botërori. Si pasojë, mijëra protestues dolën në rrugët e Mexico City-t dhe u drejtuan drejt stadiumit “Azteca”, ku më 11 qershor pritet të zhvillohet ndeshja hapëse mes Meksikës dhe Afrikës së Jugut.

Autoritetet policore kanë vendosur masa bllokuese, përfshirë barriera betoni, për të ndalur marshimin e protestuesve drejt stadiumit. Ndërkohë po zhvillohen negociata, por ekziston shqetësimi se situata mund të përshkallëzohet në ditën e ndeshjes.